ޑރ.އިޔާޒް ޤާސިމަށް: ހެޔޮހިތުން މަނިކުފާނަށް އަރުވާ ނަސޭޙަތް ޤަބޫލުކުރައްވާ

ހެޔޮހިތުން މަނިކުފާނަށް އަރުވާ ނަސޭޙަތް ޤަބޫލުކުރައްވުމަށް މަޝްހޫރު ދީނީ ޢިލްމުވެރިޔާ ޑރ.މުޙައްމަދު އިޔާޒް ޤާސިމް އިބްރާހީމަށް ގޮވާލައްވައިފިއެވެ.
އިޔާޒު މިފަދައިން ވިދާޅުވީ ޖުމްހޫރީ ޕާޓީގެ ޤައުމީ ކޮންގްރެސްގައި ގާސިމް ދެއްކެވި ވާހަކަފުޅާއި ގުޅިގެންނެވެ. ގާސިމް ވިދާޅުވީ އެމަނިކުފާނުގެ ދަރިންނާއި އަނބިންނަކީ، މީހަކަށް ލިިބޭނެ އެންމެ ރަނގަޅު ދަރިންނާއި، އަނބިން ކަމަށެވެ. މިވާހަކަތަކާއި ގުޅިގެން އިޔާޒު ވިދާޅުވީ ނިޢްމަތާއި ބާރަކީ އިންސާނާ އިމްތިޙާނު ކުރެއްވުމުގެ ގޮތުން ﷲ ދެއްވާ އެއްޗެއް ކަމަށެވެ. އަދި ހެޔޮގޮތުގައި ބޭނުންކޮށްފިނަމަ އިތުރުކޮށްދެއްވާ ކަމަށާއި ނޫންނަމަ އަނބުރާ ގެންދަވާ ކަމަށް އިޔާޒް ވިދާޅުވިއެވެ. “ހެޔޮހިތުން މަނިކްފާނަށް އަރުވާ ނަޞޭޙަތް ޤަބޫލުކުރައްވާ. މިއަދު މަނިކްފާނަށް ހެޔޮއެދޭކަމަށް ހެދިގެން މަނިކްފާނު ހަލާކު ކުރަން އެއުޅުއްވާ ޓްރާންސިޓް ދަތުރުވެރިންނާއި މެދު ސަމާލުވެލައްވާ. މަނިކްފާނުގެ ޕާޓީ އަކީ އެހެން ޕާޓީތަކުން ފެއިލްވެ، ގޮތްހުސްވެގެން، ގޮތެއް ފެންނަންދެން މަޑުކޮށްލަން އަންނަމީހުންގެ ޓްރާންސިޓް ބަނދަރަކަށް ނުހައްދަވާ. ޑިމޮކްރަސީގެ ބައްޕަޔޭ، ރާއްޖޭގެ މަންޑޭލާ އޭ ކިޔައިގެން އުޅުއްވާ ބޭފުޅާ” އިޔާޒް ވިދާޅުވިއެވެ. ކުރިއަށް އޮތް ރިޔާސީ އިންތިޚާބުގައި ރައީސް ޞާލިޙާއެކު ކޯލިޝަން ހެދުމުގެ ބަދަލުގައި ޖުމްހޫރީ ޕާޓީން ވަކިން ކުރިމަތިލާން ފެންނަކަމަށް އެންމެފަހުން ބޭއްވި ޖުމްހޫރީ ޕާޓީގެ ޤައުމީ ކޮންގްރެސްގައި ވަނީ ޤަރާރެއް ފާސްކޮށްފައެވެ.


.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.