ފަހި ދިރިއުޅުމަށް ހުޅުމާލެ ދެވަނަ ފިޔަވަހިން 17 ބިންް ވިއްކައިފި
ފަހި ދިރިއުޅުން ކޯޕަރޭޝަނަށް ހުޅުމާލެ ދެވަނަ ފިޔަވަހިން 17 ބިމެއް، ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ވިއްކައިފިއެވެ.
އެޗްޑީސީން ވިދާޅުވީ ސަރުކާރުގެ ފަރާތުން އިޖުތިމާއީ ބޯހިޔާވަހިކަން ފޯރުކޮށްދިނުމަށް ކުރާ މަސައްކަތުގެ ދަށުން 4000 ހައުސިން ޔުނިޓު މަޝްރޫއު ހިންގުމަށް އެޗްޑީސީ އާއި ފިނޭންސް މިނިސްޓްރީ އަދި ފަހި ދިރިއުޅުން ކޯޕަރޭޝަނާ އެކު ވެފައިވާ އެއްބަސްވުމުގެ ދަށުން17 ބިމެއް ވިއްކާފައިވާ ކަމަށެވެ.
އެ މަޝްރޫއު ކުރިއަށް ގެންދިޔުމަށް، ބިމުގެ މިލްކުވެރިކަން ބަދަލުކުރުމަށް ކަނޑައަޅާފައިވާ އުސޫލުގެ ދަށުން، އެ ބިންތަކުގެ މިލްކުވެރިކަން ފިނޭންސް މިނިސްޓްރީ އަށް ބަދަލުކޮށްފައިވާ ކަމަށް ވެސް އެޗްޑީސީ އިން ވިދާޅުވިއެވެ.
މީގެ އިތުރުން ދެވަނަ ފިޔަވަހި ހިއްކައި އުމްރާނީ ވަސީލަތްތައް ގާއިމްކޮށްފައިވަނީ އެކަމަށް ލޯނު ނަގައިގެން ކަމަށާއި ހުޅުމާލޭގެ ބިން އެކި ބޭނުންތަކަށް ދިނުމަށާއި ވިއްކުމަށް އަބަދު ވެސް އަގު ކަނޑައަޅާފައި ހުންނާނެ ކަމަށް އެޗްޑީސީން ވިދާޅުވިއެވެ.
އަދި މި މަޝްރޫއުތަކަށް ކަނޑައަޅާފައިވާ ބިމަށް ފައިސާ ދެއްކުމުން ބިމުގެ މިލްކުވެރިކަން ބަދަލުކުރުމަކީ އަބަދުވެސް ކަން ކުރާ އުސޫލު ކަމަށާއި ފަހި ދިރިއުޅުން ކުންފުންޏަށް ވިއްކި ބިންތަކަކީ އިޖުތިމާއީ ބޯހިޔާވަހިކަން ފޯރުކޮށްދޭން ކުރިއަށް ގެންދާ މަސައްކަތެއް ކުރަން ވިއްކި ބިންތަކެއް ކަމުން އާންމުންނަށް ވެސް އޭގެ ފައިދާ ކުރާނެހެން އެތަންތަނުގެ އަގު ކަނޑައަޅާފައިވާނީ ލުއިގޮތްތަކަކަށް ކަމަށް އެޗްޑީސީ އިން ވިދާޅުވިއެވެ.
ފަހި ދިރިއުޅުން ކޯޕަރޭޝަނަކީ ސީދާ ވޯޓަށް ހިންގާ މަޝްރޫޢެއް ހިޔާ ފުލެޓް މަޝްރޫޢަކީވެސް ސީދާ ވޯޓަށް ހިންގި ކަމެއް ސިޔާސީ މަންފާ ހޯދަން ކުރާ ދުރުވިސްނުމާއި ރޭވުމެއްނެތި ކުރާ ކަންކަން ރައްޔިތުންނަށް ބޮޑު ބުރަޔާއި އުދަގޫ !