މައުލޫމާތު ބަދަލުވެގެން އައިޑީކާޑު ހައްދާ އަގު 50 ރުފިޔާއިން 150 ރުފިޔާއަށް ބޮޑުކޮށްފި
މައުލޫމާތު ބަދަލުވެގެން އައިޑީކާޑު ހައްދާ އަގު 50 ރުފިޔާއިން 150 ރުފިޔާއަށް ބޮޑުކޮށްފިއެވެ.
ޑިޕާޓްމަންޓް އޮފް ނޭޝަނަލް ރަޖިސްޓްރޭޝަން (ޑީއެންއާރު) އިން ގެޒެޓް ކުރި ގޮތުގައި އެ އަގު ވަނީ 150ރ. ބޮޑުކޮށްފަ އެވެ. މިއީ، 100ރ. ގެ އަގުބޮޑުވުމެކެވެ. އެހެންނަމަވެސް މިބަދަލު ގެނައި ސަބަބު ހާމަކޮށްފައެއް ނުވެއެވެ.
މައުލޫމާތު ބަދަލުވެގެން އައިޑީކާޑު ހައްދާ އަގު ބޮޑުކޮށްފައިވާއިރު "ޤައުމީ ޑިޖިޓަލް އައިޑެންޓިޓީ ކާޑު" ޚިދުމަތް މި މަހު ފެށުމަށް ތައްޔާރުވަމުން އަންނަކަމަށް ނޭޝަނަލް ސެންޓަރ ފޮރ އިންފޮމޭޝަން ޓެކްނޮލިޖީ، އެންސީއައިޓީ އިން ވަނީ ބުނެފައެވެ.
ޑިޖިޓަލް އައިޑީ ކާޑު ތައާރަފުކުރުމަށް ވަމުން އަންނަ ތައްޔާރީތަކާ ގުޅޭ ގޮތުން ނޫސްވެރިންނަށް މައުލޫމާތު ދިނުމަށް ބޭއްވި ބައްދަލުވުމުގައި ޓެކްނޮލޮޖީއާ ބެހޭ މިނިސްޓްރީގެ ސްޓޭޓް މިނިސްޓަރު މުހައްމަދު ޝަރީފް ވިދާޅުވީ މިއީ އާންމުންނަށް ރައްކާތެރި ހިދުމަތަކަށް ހެދުމަށް ގާނޫނުތައް ހެދުމުގެ މަސައްކަތް ކުރަމުން އަންނަ ކަމަށެވެ.
ކޮމެންޓް