މުލީގައި މިއަދު މަޣްރިބް ނަމާދު ބަންގި ގޮވުނީ "އޮޅިގެން" 1 ގަޑިއިރު ކުރިން!
މ. މުލީގައި މިއަދު "އޮޅިގެން" މަޣްރިބް ނަމާދުގެ ބަންގި 1 ގަޑިއިރު ކުރިން ގޮވިއްޖެއެވެ.
"ދެން" އަށް މައުލޫމާތު ދެއްވަމުން އެރަށު ކައުންސިލްގެ ރައީސް ޝައްމޫން ރަމީޒް ވިދާޅުވީ އެފަދަ ކަމެއް ހިނގާފައިވާކަމަށާއި އެއީ އޮޅިގެން ކުރެވުނު ކަމެއްކަމަށެވެ. އަދި މި ބަންގި އާއެކު އެއްވެސް މީހެއް ރޯދަ ވިއްލި ކަަމުގެ މައުލޫމާތެއް ލިބިފައި ނުވާކަމަށް އޭނާ ފާހަގަ ކުރިއެވެ.
"މީހަކަށް އޮޅިގެން ހަމަ ބަންގި ގޮވުނީ. ދެން މީހަކަށް އޮޅިގެން ހަމަ ވެދާނެތާ އެކަހަލަ ކަމެއް. މިއީ ތަރައްގީ ޒަމާނެއްވީމަ ގިނަ ބަޔަކަށް ހަމަ އެނގޭނެ އެހާ ކުރިން ބަންގި ނުގޮވާނެކަން. އެ ބަންގި އާއެކު އެއްވެސް މީހަކު ރޯދަ ވިއްލި ކަމުގެ މައުލޫމާތެއް ނުލިބޭ" ޝައްމޫން ވިދާޅުވިއެވެ.
މައުލޫމާތު ލިބިފައިވާ ގޮތުގައި މިއަދު އެރަށުގައި ބަންގި ގޮވީ 17:15 ގައެވެ.
ރާއްޖޭގައި މީގެ ކުރިންވެސް މިފަދަ ހާދިސާތައް ހިނގައި ބައެއް ރަށްރަށުގައި ވަގުތުގެ ކުރިއަށް ރޯދަ ވީއްލައިފައިވެސް ވެއެވެ.
މަޢުރިބު ނަމާދު އޮޅިގެނެއް ނުގޮވޭނެ، މެންދުރު ނަމާދާއި ޢަސްރު ނަމާދު ވަގުތުގެ ކުރިން އޮޅިގެން ގޮވިދާނެ، ހަވީރު ފަހެއް ޖަހާއިރު މަޢުރިބު ނަމާދު ގޮވީމަ އޮޅިގެނެއް ނުބުނެވޭނެ