ފުރަތަމަ ފަހަރަށް ގުރައިދޫ ދާއިރާގެ ގޮނޑި އެމްޑީޕީއަށް ލިބުމަކީ ކާމިޔާބީއެއް: ރައީސް
ފުރަތަމަ ފަހަރަށް ގުރައިދޫ ދާއިރާގެ ގޮނޑި އެމްޑީޕީއަށް ލިބުމަކީ ކާމިޔާބީއެއްކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހު ވިދާޅުވެއްޖެއެވެ.
ގުރައިދޫ ދާއިރާގެ ގޮނޑި ކާމިޔާބު ކުރެއްވި އެމްޑީޕީގެ ކެންޑިޑޭޓް އިބްރާހިމަށް ޝާޒަށް މަރުހަބާ ދަންނަވައި މިރޭ ރައީސް ކުރައްވާފައިވާ ޓްވީޓެއްގައި ވިދާޅުވީ މިއިންތިހާބުން ހާމަވެގެން މިދިޔައީ ސަރުކާރާއެކު ރައްޔިތުން ތިއްބެވިކަން ކަމަށެވެ.
"ގުރައިދޫ ދާއިރާގެ ގޮނޑި ކާމިޔާބު ކުރެއްވި އެމްޑީޕީގެ އިބްރާހިމް ޝާޒް އަށް ހޫނު މަރުޙަބާއެއް ދަންނަވަން. މި އިންތިޚާބުން ހާމަވެގެން މިދިޔައީ ސަރުކާރާއެކު ދާއިރާގެ ރައްޔިތުން ތިއްބެވިކަން. ފުރަތަމަ ފަހަރަށް މިދާއިރާގެ ގޮނޑި އެމްޑީޕީއަށް ކާމިޔާބުވަމަކީ ޕާޓީއަށް ލިބުނު ބޮޑުކުރިއެރުމެއް" ރައީސް މިރޭ ވިދާޅުވިއެވެ.
ގުރައިދޫ ދާއިރާގެ ގޮނޑި ފުރަތަމަ ފަހަރަށް އެމްޑީޕީ އިން ކާމިޔާބު ކުރުމުން އެޕާޓީގެ މެމްބަރުން އުފާފާޅުކުރަމުން އަންނަ އިރު އިދިކޮޅުން ބުނަނީ އިންތިހާބު ކާމިޔާބު ކުރުމަށް ސަރުކާރުން ވަނީ ނުފޫޒު ފޯރުވައި ރިޝްވަތު ފައިސާ ބަހާފައިކަމަށެވެ.
ގޮޅީގައި ވެސް ސޭލް، ގޮނޑީގައި ވެސް ސޭލް، ރައްޔިތުން ވެސް ވިއްކަނީ، ގަންނަމީހުން ވެސް ގަންނަނީ، ގިނައިން ފައިސާ އެޅިބަޔަކަށް ގޮޅިވެސް ގޮޑިވެސް !