މިރޭ ދަންވަރު 12 އިން ފެށިގެން ކޮތަޅުން ޓެކްސް ނަގަން ފަށާނެ، ކޮތަޅަކުން 2 ރުފިޔާ!
ވިޔަފާރިތަކުން މުދާ ވިއްކާ ވަގުތު ދޭ ކޮންމެ ޕްލާސްޓިކް ކޮތަޅަކުން 2 ރުފިޔާ ޓެކުހުގެ ގޮތުގައި ނަގާ ގޮތަށް، ކުނި މެނޭޖު ކުރުމުގެ ގާނޫނަށް އިސްލާހު ގެނެސް، މިދިޔަ ނޮވެމްބަރު މަހު ތަސްދީގު ކުރި ގާނޫނުގެ ދަށުން ކޮންމެ ޕްލާސްޓިކު ކޮތަޅަކުން ނެގުމަށް ހަމަޖެހިފައިވާ 2 ރުފިޔާގެ ޓެކްސް މިރޭ ދަންވަރު 12 އިން ފެށިގެން ނަގަން ފަށާނެއެވެ.
ޕްލާސްޓިކު ކޮތަޅުން ޓެކްސް ނެގުމުގެ ގާނޫނުގައި ބުނެފައިވާގޮތުން ފިހާރަތަކުން މުދާ ވިއްކާއިރު، ޕްލާސްޓިކް ކޮތަޅަށް ލާފައި ތަކެތި ވިއްކާ ނަމަ، ކަސްޓަމަރުންގެ އަތުން ކޮތަޅަކަށް ދެ ރުފިޔާގެ ފީއެއް ނަގަން ޖެހޭ ގޮތަށެވެ.
ދައުލަތުން އަންނަ އަހަރަށް ކަނޑައެޅި ބަޖެޓުގައި ވެސް އެކަން ކުރަން އޮތީ ހިމަނައިފައެވެ.
ފިހާރަތަކުން ކަސްޓަމަރަށް ދޭ އިންވޮއިސް ނުވަތަ ރަސީދުގައި ކަސްޓަމަރުގެ އަތުން ޕްލާސްޓިކް ކޮތަޅަށް ނެގި އަގު ހިމަނަން ޖެހޭނެ ކަމަށް ވެސް އެ ޤާނޫނުގައިވެއެވެ.
އެހެންނަމަވެސް ކޮތަޅު ޓެކްސް އިސްތިސްނާވާ ހާލަތްތަކެއްވެސް އެބިލުގައިވަނީ ހިމަނައިފައެވެ.
އިސްތިސްނާވާ ޕްލާސްޓިކް ކޮތަޅު
ތިރީގައި ބަޔާންކޮށްފައިވާ ޕްލާސްޓިކް ކޮތަޅުން ޕްލާސްޓިކް ކޮތަޅުގެ ފީ ނަގާކަށް ނުޖެހޭނެއެވެ.
- ޑިއުޓީ ފްރީ ފިހާރަތަކުން ވިއްކާ ނުވަތަ ފޯރުކޮށްދޭ ޕްލާސްޓިކް ކޮތަޅު؛
- ބަންދުނުކޮށް ހުންނަ، ހުރިހާ ބާވަތެއްގެ ތާޒާ މަސް އެޅުމަށް ބޭނުންކުރާ ޕްލާސްޓިކް ކޮތަޅު؛
- ކުނި މެނޭޖުކުރުމުގެ ޚިދުމަތްދޭ ފަރާތްތަކުން ނުވަތަ ކަމާބެހޭ އެހެން އިދާރާއަކުން ކުނި އެޅުމަށް ޚާއްޞަކޮށް ވިއްކާ ނުވަތަ ދޫކުރާ "ބިންލައިނަރ".
ވެރިކަން ނުލިބޭނެ ރައްޔިތުން ފެލައިގެން މިފަހަރު ރީތި ގޮތަކަށް ބަލިވާނެ ސޯލިހު ވެރިކަމުން ފައިބަނީ
އެކި ނަންކިޔާއިގެން ރައްޔިތުންގެ އަތުން ފޭރެނީ، ތަކެތި އަގުބޮޑު ކޮށްގެންވެސް ފޭރެނީ ، ފުލެޓް ކުލި އަގު ބޮޑު ކޮށްގެންވެސް ފޭރެނީ !