ރައީސް ޔާމީންގެ އަނިޔާވެރިކަމުން ދިވެހިން ސަލާމަތްވީ މޭޑޭގައި ކުރި ހިތްވަރުން: އިމްރާން
ރައީސް ޔާމީންގެ އަނިޔާވެރިކަމުން ދިވެހިން ސަލާމަތްވީ މޭޑޭގައި ދިވެހިން ކުރި ހިތްވަރުން ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެއެވެ.
މިނިސްޓަރު އިމްރާން މިހެން ވިދާޅުވީ މޭޑޭ އާއި ގުޅިގެން ކުރެއްވި ޓްވީޓެއްގައި މިއަދު އެވެ.
"މާތް ﷲގެ ހެޔޮ ރަހުމަތުން ރައީސް ޔާމީންގެ އަނިޔާވެރިކަމާއި ޖައްބާރުކަމުން ދިވެހިން ސަލާމަތްކުރެވުނީ މޭޑޭ ގައި ދިވެހިން ދެއްކި އެއްބައިވަންތަކަމާއި ކުރި ހިތްވަރުގެ މައްޗަށް ބިނާކުރެވުނު މަސައްކަތުން" މިނިސްޓަރު އިމްރާން ވިދާޅުވިއެވެ.
ރައީސް ޔާމީންގެ ވެރިކަމާއި ދެކޮޅަށް މޭޑޭގައި ކުރި މުޒާހަރާ ތަކުގައި މިނިސްޓަރު އިމްރާންގެ ބޮޑު ދައުރެއް ވާކަން ފާހަގަ ކޮށްލެވެއެވެ.
ރައީސް ޔާމީންގެ ވެރިކަމުގައި އެސަރުކާރާއި ދެކޮޅަށް މާލޭގައި ވަނީ ބޮޑެތި މުޒާހަރާ ތަކެއްކޮށް ހަމަނުޖެހުން ހިންގާފާއެވެ. މިހަމަނުޖެހުންތަކުގައި ގިނަބަޔަކު ހައްޔަރުކޮށްފައިވާކަން ފާހަގަކޮށްލެވެއެވެ.
ދިވެހިން ދިވެހިންގެ ސިޔާސަތު ހިންގަން ހަވާލުކުރަނީ ފުރަތަމަ އެމީހުންވެސް ގޯސްހަދާފަ ވޯޓް ވިއްކާލަނީ ސިޔާސީ މީހުނަށް ސިޔާސީ މީހުންނޭ މިކިޔާ މީހުންނަކީ ސިޔާސީ ވަފާތެރި ކެހިވެރިން، ވޯޓް ގަނެގެން އެމީހުންވެސް ކުރާކަމަކީ ދައުލަތުގެ މާލިއްޔަތު ލޫޓުވާން އެއްކަލަށް ގަތް ވޯޓް އެހެން ބަޔަކަށް ވިއްކާލަނީ !