ކުޅުދުއްފުށި އެއަރޕޯޓަށް ރޭގަނޑު ދަތުރު ފެށުމަށް ޓެސްޓު ފްލައިޓް ޖައްސައިފި
ހދ. ކުޅުދުއްފުށީ އެއާޕޯޓަށް ރޭގަނޑު ދަތުރުތައް ފެށުމުގެ ކުރިން ބާއްވަންޖެހޭ ޓެސްޓް ފްލައިޓް ބާއްވައިފިއެވެ.
މިގޮތުން ރޭގަނޑު ދަތުރުތައް ފެށުމުގެ ކުރިން ބާއްވަންޖެހޭ ޓެސްޓް ފްލައިޓް ރޭ ދަންވަރު ވަނީ ބާއްވާފައެވެ.
އައިލެންޑް އޭވިއޭޝަނުން ބުނި ގޮތުގައި އުއްމީދަކީ މި ފެށޭ ހަފްތާގައި ކުޅުދުއްފުށީ އެއާޕޯޓަށް ރޭގަނޑު ދަތުރުތައް ފެށުމެވެ. ރޭގަނޑު ދަތުރުތަކަށް ޓެސްޓިން ފްލައިޓް ޖައްސާފައިވަނީ ރޭ މެންދަމު 02:00 - 03:30 އާ ދެމެދުގަ ކަމަށެވެ.
އެމްޓީސީސީއާ ހަވާލުކޮށްގެން ކުރިއަށްގެންދިޔަ އެއާޕޯޓް މަޝްރޫއުގެ ނިންމާލާ، ޝެޑިއުލް ދަތުރުތައް ފެށީ 2019 ވަނަ އަހަރުގެ އޯގަސްޓްމަހުގެ 9 ވަނަ ދުވަހުއެވެ.
އެކަމަކު ރަންވޭގައި ލައިޓްހަރުކޮށްފައިނުވުމުގެ ސަބަބުން ރޭގަނޑު ދަތުރުތައް ކުރެވޭ ގޮތް އޮތީ ނުވެއެެވެ. އެއާޕޯޓް ރަންވޭގައި ލައިޓް ލައިޓް ޖަހާ ނިންމާލީ މިހުސްވި އެޕްރީލްމަހުގެ ފުރަތަމަ ކޮޅުއެވެ.
ކުޅުދުއްފުށި އެއަރޕޯޓާއެކު ރީޖަނަލް އެއަރޕޯޓްސްއިން ހިންގަމުން އަންނަ 6 އެއާޕޯޓްގެ ތެރެއިން ހަތަރު އެއާޕޯޓަށް މިހާރު ރޭގަނޑު ދަތުރުތައް ކުރެވޭނެއެވެ. އެއީ ގދ.ފަރެސްމާތޮޑާއާއި ފުވައްމުލައް ސިޓީ، އަދި ހދ. ހަނިމާދޫ އިންޓަނޭޝަނަލް އެއާޕޯޓެވެ.
