ޗާގޯސް މައްސަލައިގައި މަޝްވަރާ ކުރަންވީ އިނގިރޭސިވިލާތާ: ރައީސް ނަޝީދު

ޗާގޯސްގެ މައްސަލައިގައި ރާއްޖެއިން މަޝްވަރާ ކުރަންވީ، އިނގިރޭސިވިލާތާ ކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެއެވެ.
ރައްޔިތުންގެ މަޖިލީހުގެ އެމްޑީޕީ މެންބަރުން ތިއްބަވާ ވަޓްއަޕް ގްރޫޕަކަށް ކުރެއްވި މެސެޖެއްގައި ރައީސް ނަޝީދު ވަނީ ޗާގޯސް މައްސަލައިގައި ރައީސް ޞާލިޙާއި އެމްޑީޕީގެ މަޖިލިސް މެންބަރުން ވަކާލާތު ކުރުމުގައި މުހިންމު ކަމަށް ރައީސް ނަޝީދަށް ފެނިވަޑައިގަންނަވާ ތިން ނުކުތާއެއް ހާމަކުރައްވާފައެވެ.
"ޗާގޯސްގެ ހަތް އަތޮޅަކީ ބްރިޓިޝް އިންޑިއަން އޯޝަން ޓެރިޓަރީ (ބިއޮޓް) ގެ ތެރޭގައި ހިމެނޭ ތަނަކަށް ވާތީ އެތަނުގެ ސިޔާދަތީ ބާރު އޮންނާނީ އިނގިރޭސި ވިލާތަށް" ރައީސް ނަޝީދުގެ ފުރަތަމަ ޕޮއިންޓްގައި ވިދާޅުވީ، މިހެން ކަމުން ޔޫކޭ އެތަނުން ފައިބާއިރު އެތަން ހަވާލުކުރުން އެންމެ ރަނގަޅު ބައެއް އަލުން ދެނެގަތުމަށް ޔޫކޭއާ މަޝްވަރާ ކުރަން ޖެހޭ ކަމަށެވެ.
ރައީސް ނަޝީދުގެ ދެވަނަ ނުކުތާއަކީ، އިނގިރޭސިން ޗާގޯސްގައި ތިބޭއިރު ކުރިން ވެސް އޮތް ގޮތަށް ރާއްޖޭގެ ބޯޑަރު ބޭނުންކުރެވޭނެ ގޮތް ހަމަޖެއްސުމަށް ޔޫކޭގައި އެދުމަށަށެވެެ އަދި ޔޫކޭގެ ބާރު ޗާގޯސްގައި އޮންނަހާ ހިނދަކު އެތަނުގެ ކަނޑުގެ ސަރަހައްދަކީ މަސްވެރިކަން ކުރުން މަނާ ސަރަހައްދެއްގެ ގޮތުގައި ބޭއްވުމަށް ވަކާލާތު ކުރުމަށް ވެސް ނަޝީދު އެދިވަޑައިގަތެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.