މުޣުނީ މަގާމުން ވަކިކޮށްފި
ރައީސް އިބްރާހިމް މުހައްމަދު ޞާލިހަށް "ވަގަށް" ގޮވައި ޓްވީޓް ކުރެއްވިތާ ދެދުވަސް ފަހުން އެންވަޔަރަމެންޓް މިނިސްޓްރީގެ ސްޓޭޓް މިނިސްޓަރު ހަސަން މުޣުނީ އެ މަގާމުން ވަކިކޮށްފިއެވެ.
މި ސަރުކާރުގެ ކޯލިޝަންގައި އޮތް ޖުމްހޫރީ ޕާޓީގެ ސްލޮޓެއްގައި ސްޓޭޓް މިނިސްޓަރަކަށް ހުންނެވި މުޣުނީގެ އަމިއްލަ ޓުވިޓާ އެކައުންޓުން ރައީސަކީ "ވަގެއް" ކަމަށް ވިދާޅުވެ، ޓުވީޓް ކުރެއްވި މައްސަލައެއް ފެންމަތިވީ މިދިޔަ ހޯމަ ދުވަހުއެވެ.
އެ މައްސަލައިގައި މުގުނީ ސްޓޭޓް މިނިސްޓަރުކަމުން މިއަދު ވަކިކޮށްފައިވާއި އޭނާ ކުރެއްވި ޓްވީޓްގައި ވިދާޅުވީ "ހިންނަވަރު ވަގު އިބްރާހީމް ލީޑްކުރަނީ ކުންފުންޏެއް ހިންގުމުގެ އެއްވެސް ގާބިލްކަމެއް ނެތް ކޮރަޕްޓް ވަގު މީހުންގެ ޓީމަކާއެކީ" ކަމަށެވެ.
މުޣުނީ ވަނީ އާބަންކޯގެ އެމްޑީ އާތިފާއި އެސްޓީއޯގެ އައު އެމްޑީ ސައީދާއި އެމްއޭސީއެލްގެ އެމްޑީ މަހުޖޫބު ޝުޖާއާއި، އާރުޑީސީގެ އެމްޑީ މޫސާ އަލިމަނިކު (މޫކޭ) އަދި ސްޓެލްކޯގެ އެމްޑީ ޝަރީފާއި ފެނަކައިގެ އެމްޑީ ސައީދަކީ ކޮރަޕްޓު ބައެއް ކަމަށް ވިދާޅުވެފައެވެ. އެހެންނަމަވެސް އޭނާވަނީ ފަހުން އެ ޓްވީޓް ޑިލީޓްކޮށްފައެވެ.
މި ސަރުކާރުގައި އެންމެ ފުރަތަމަ ސްޓެލްކޯގެ މެނޭޖިން ޑިރެކްޓަރުގެ މަގާމު ފުރުއްވުމަށް ފަހު، ފަހުން އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރުގެ މަގާމަށް ބަދަލުކުރެއްވި މުޣުނީ ވަނީ އެއީ އޭނާ ކުރެއްވި ޓްވީޓެއް ނޫންކަމަށް ވިދާޅުވެފައެވެ.
މާލޭ ސިޓީ ޚައުންސިލުން މިކަމާ ބަޔާނެއް ނުނެރުއްވަންތޯއެވެ؟