އައްޑޫސިޓީގެ ކައުންސިލަރ ޗިޅާ އެމްޑީޕީއަށް!
އައްޑޫސިޓީ ކައުންސިލުގެ މަރަދޫ ދާއިރާގެ ކައުންސިލަރ އަޙްމަދު ނާދިރު (ޗިޅާ) އެމްޑީޕީއަށް ސޮއިކޮށްފިއެވެ.
ޗިޅާ އެމްޑީޕީއާއި ގުޅިފައި މިވަނީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އެސިޓީގައި ތަރައްޤީގެ ބިޔަ މަޝްރޫއުތަކެއް އިފްތިތާހް ކޮށްދެއްވާފައިވާ ދަނޑިވަޅެއްގައެވެ.
އިއްޔެ ވަނީ އައްޑޫ ބިން ހިއްކުމުގެ މަޝްރޫއު ފަށައިފަ އެވެ. މިއަދު ވަނީ އައްޑޫ ގަން އިންޓަނޭޝަނަލް އެއާޕޯޓު ތަރައްގީ ކުރުމުގެ ބިޔަ މަޝްރޫއު ފަށަން ތާވަލުކޮށްފަ އެވެ.
މީގެ އިތުރުންވެސް ބައެއް މަޝްރޫއުތައް ފަށައި އައްޑޫ ސިޓީގެ ހުރިހާ ރަށްތަކަށް ރައީސް ޞާލިހު ޒިޔާރާތް ކުރައްވާނެ އެވެ. ރައީސް ޞާލިހު އިއްޔެ އައްޑޫއަށް ވަޑައިގެންނެވީ ތިން ދުވަހުގެ ދަތުރުފުޅަކަށެވެ.
މިމަޝްރޫއުތައް އިފްތިތާހް ކޮށްދެއްވުމަށް އިއްޔެ މަރަދުއަށް ވަޑައިގަތުމުން ރައީސް ޞާލިހަށް މަރުހަބާ ދެންނެވުމަށް ގިނަ އަދަދެއްގެ ބަޔަކު ވަނީ ނިކުމެފައެވެ. އައްޑޫ ސިޓީގައި މުޅިން އަލަށް ފެށި ތަރައްގީގެ މަޝްރޫއުތައް ފާހަގަކުރުމުގެ ގޮތުން މިރޭ ހަވާ އަރުވަން އެސިޓީގެ ކައުންސިލުން ވަނީ ނިންމައިފައެވެ.
