އެމްޑީޕީއާ ގުޅުނީ، ހުރި ފިޔަވަޅު މަތީގައި ހުއްޓި ހުންނަން ބޭނުން ނުވާތީ: އިބްރާހީމް ދީދީ
ހުރި ފިޔަވަޅު މަތީގައި ހުންނަން ބޭނުން ނުވާ ކަމަށާއި، ބޭނުންވަނީ ތަރައްޤީއާއެކު ކުރިއަށް ދާން ކަމަށް ޕީޕީއެމް ދޫކުރައްވައި، އެމްޑީޕީއާ މިއަދު ގުޅިވަޑައިގެންނެވި، މީދޫ ދާއިރާގެ ޕީޕީއެމްގެ އިސް ޚިދުމަތްތެރިއެއް ކަމަށްވާ މުޙައްމަދު އިބްރާހިމް ދީދީ (ބޭބެ) ވިދާޅުވެއްޖެއެވެ.
އިބްރާހިމް ދީދީ އެމްޑީޕީއަށް ސޮއިކުރެއްވީ މިއަދު މީދޫ ޝަމްސުއްދީން ސްކޫލުގައި ރައީސް އިބްރާހީމް މުޙައްމަދު ޞާލިޙު ރައްޔިތުންނާއެކު ބޭއްވި ބައްދަލުވުމުގެ ތެރެއިންނެވެ.
އެމްޑީޕީއާ ގުޅިވަޑައިގެންނެވި ސަބަބާ ގުޅޭގޮތުން ވާހަކަ ދައްކަވަމުން، އޭނާ ވިދާޅުވީ، އެ ޕާޓީ ތެރެއިން ޓީމެއް ފެންނަ ކަމަށާއި، ޕީޕީއެމްގެ ހަރަކާތްތައް އެގޮތަށް ކުރިއަށް ނުގެންދާ ކަމަށެވެ.
"ޕީޕީއެމްގަ ހުރެގެން، މިވީ 12 އަހަރު ދުވަހުގެ ތެރޭގަ، އަޅުގަނޑަކަށް ޓީމެއް ނުއެއް ފެނޭ. ޓީމަކާއެކު މަސައްކަތް ކުރަން ވަރަށް ބޮޑަށް ބޭނުން. އަޅުގަނޑު ސިޔާސީ ޕާޓީއަކާ ގުޅިގެން ހުންނައިރު، ބޭނުންވާނެ، ހަރަކާތްތައް މިތާގައި ހިނގަން. އެކަމެއް ޕީޕީއެމަކަށް ނުކުރެވޭ މިހާ ހިސާބަކަށް."
އޭނާ އިތުރަށް ވިދާޅުވީ، އެމްޑީޕީއާއެކު ހުރެގެން، ރާއްޖޭގެ ތަރައްގީއަށް މަސައްކަތްތަކެއް ކުރެވޭނެ ކަމަށް ޤަބޫލު ކުރައްވާ ކަމަށެވެ.
އައްޑޫގައި ސަރުކާރުން ފެށި ބިން ހިއްކުމުގެ މަޝްރޫއާއި ގަން އިންޓަނޭޝަނަލް އެއާޕޯޓު ތަރައްގީ ކުރުމުގެ މަޝްރޫއަކީ ވަރަށް މުހިންމު މަޝްރޫއުތަކެއް ކަމަށް ވެސް އޭނާ ވިދާޅުވި އެވެ. އަދި މުސްތަގުބަލުގައި އެކަމުން އަތޮޅަށް ވަރަށް ބޮޑެތި ފައިދާތަކެއް ކުރާނެ ކަމަށް ވިދާޅުވިއެވެ.
އިބްރާހިމް ދީދީ މިއަދު އިތުރަށް ވިދާޅުވި ގޮތުގައި، އޭނާއާއެކު އެމްޑީޕީއަށް 50 އެއްހާ މީހުން ސޮއި ކުރާނެއެވެ.
ސިޔާސީ މައިދާނެތިބީ
1/ ޖީއެމްއާރު ޗޯރުން
2/ އެމްއެމްޕީއާރުސީ ޗޯރުން
3/ ވެންޓިލޭޓަރު ޗޯރުން
4/ ފޯޅަވަހި ޗޯރުން .