ނިހާދު ރައީސް ނަޝީދަށް: ތިޔަ ބަޣާވާތް ކާމިޔާބެއް ނުވާނެ
ތިޔަ "ބަޣާވާާތް" ކާމިޔާބު ނުވާނެ ކަމަށް ވިދާޅުވެ، ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު، މުޙައްމަދު ނިހާދު، ރައްޔިތުންގެ މަޖިލީހުގެ ރައީސް މުޙައްމަދު ނަޝީދުގެ ފެކްޝަނަށް ރައްދު ދެއްވައިފިއެވެ.
ނިހާދު މިފަދައިން ރައްދު ދެއްވީ، ރައްޔިތުންގެ މަޖިލީހުގެ އަމީން އާންމުއާއި އޮފިޝަލުންގެ ޤަދަރާއި އިއްޒަތަށް އަރައި ނުގަތުމަށް ރައީސް ނަޝީދު ވިދާޅުވުމާ ގުޅިގެންނެވެ.
"ޑްރާމާ ހެޕްސް، ތިޔަ ބަޣާވާތް ކާމިޔާބެއް ނުވާނެ. ހަމްދަރްދީ ޑްރާމާގެ އެޕިސޯޑެއް." ނިހާދު ވިދާޅުވިއެވެ.
މިއަދު ރައީސް ނަޝީދު ނެރުއްވި ބަޔާނެއްގައި ވިދާޅުވީ, ޤާނޫނުއަސާސީގެ 5 ވަނަ މާއްދާއާއ،ި 70 ވަނަ މާއްދާގެ ދަށުން ދިވެހިރާއްޖޭގެ ޤާނޫނު ހެދުމުގެ އެންމެހައި ބާރުތައް ލިބިގެންވާ ފަރާތް ކަމަށެވެ. އަދ،ި ރައްޔިތުންގެ މަޖިލީހަށް ލިބިގެންވާ ޤާނޫނުގެ ހެދުމުގެ ޢާންމު ބާރުތަކުގެ ތެރޭގައި ގިނަ ވާޖިބުތަކަކާއި މަސްއޫލިއްޔަތުތަކެއް މަތިކޮށްފައިވާ ދައުލަތުގެ އެއްބާރުކަމަށެވެ.
ޤާނޫނުއަސާސީގެ 88 ވަނަ މާއްދާގެ (ހ) އިން ސީދާ ބާރު ލިބިގެން އެކުލަވާލައި ޢަމަލުކުރަމުން އަންނަ ރައްޔިތުންގެ މަޖިލީހުގެ ގަވާއިދަކ،ީ ރައްޔިތުން ފުރިހަމައަށް ތަމްސީލުވާ އަދި ރައްޔިތުންގެ ފުރިހަމަ ބައިވެރިވުން ލިބޭ ދީމިޤްރާޠީ އުސޫލުތައް އެކުލެވޭ ޖަވާބުދާރީވ،ާ ހާމަކަން ބޮޑު ގޮތަކަށް ރައްޔިތުންގެ މަޖިލިސް ހިންގުމަށް ބޭނުންވާ އުސޫލުތައް އެކުލެވޭ ގަވާއިދެކެވެ. އަދި އެ ގަވާއިދަކ،ީ ރައްޔިތުންގެ މަޖިލީހުގެ ޖަލްސާތަކާބެހޭ އެންމަހައި ކަންކަމާއި މަޖިލީހުގެ އިދާރީ އެންމެހައި ކަންކަން ހިންގުމާގުޅޭ އުސޫލުތައް ބަޔާންކުރާ ގަވާއިދެކެވެ.
އެހެންކަމުން، ޤާނޫނުއަސާސީގައި ބަޔާންކޮށްފައިވާ ގޮތަށް ކަންކަން ކުރުމުގެ މުހިންމުކަމަށްޓަކައ،ި ޤާނޫނުއަސާސީއަށާއި ރައްޔިތުންގެ މަޖިލީހުގެ ގަވާއިދަށް ރިޢާޔަތްކުރަންޖެހެއެވެ. ރައްޔިތުންގެ މަޖިލީހުގެ ގަވާއިދަށް ރިޢާޔަތްކުރާއިރު ފާހަގަވާ އެއް ސިފައަކީ ރައްޔިތުންގެ މަޖިލީހުގެ އަމީން ޢާންމުއާއި ކައުންސެލް ޖެނެރަލަށް ދީފައިވާ މުސްތަޤިއްލުކަމެވެ.
ރައީސް ނަޝީދު ވިދާޅުވީ، ރައްޔިތުންގެ މަޖިލީހުގެ "ޤަދަރާއި ޝަރަފް" އަމީން ޢާންމު ހިފަހައްޓަންޖެހ،ޭ އަދި މަޖިލީހުގެ ގަވާއިދާ ގުޅޭގޮތުން އަދާކުރަންޖެހޭ ވާޖިބުތައް އަދާކުރަންޖެހޭ ޚާއްޞަ ވަގުތުތަކެއް ރައްޔިތުންގެ މަޖިލީހުގެ ގަވާއިދުގައި ކަނޑައަޅާފައި ވާކަމަށެވެ. ޚާއްޞަ ގޮތެއްގައި ރައްޔިތުންގެ މަޖިލީހުގެ ރައީސެއް ނުހުންނަ ޙާލަތުގައިކަމަށް ރައީސް ނަޝީދު ވިދާޅުވިއެވެ.
މިވަގުތަކ،ީ ރައްޔިތުންގެ މަޖިލީހުގެ ރައީސް މަޤާމުން ވަކިކުރުމަށް ހުށަހަޅާ ޤަރާރަކާއ،ި ރައްޔިތުންގެ މަޖިލީހުގެ ނައިބު ރައީސް މަޤާމުން ވަކިކުރުމަށް ހުށަހަޅާ ޤަރާރެއް ރައްޔިތުންގެ މަޖިލީހަށް ހުށަހެޅުމަށްޓަކައި ރައްޔިތުންގެ މަޖިލީހުގެ އިދާރާއަށް ލިބިފައިވާ ވަގުތެއް ކަމަށާއި އެފަދަ މައްސަލައެއް ލިބުމުނ،ް ކަންކަން ހިންގަންޖެހޭނެ އިޖުރާތުތައް ރައްޔިތުންގެ މަޖިލީހުގެ ގަވާއިދުގައި ވަރަށް ސާފުކޮށް ބަޔާންކޮށްފައިވާ ކަމަށް ނަޝީދު ވިދާޅުވިއެވެ.
