Tuesday, 17 November 2026
Advertisement
Ooredoo — Article-Top (leaderboard)
ރައްޔިތުންގެ މަޖިލިސް

ކޮމިޓީ ބާއްވާ ކޮޓަރިތައް މީގެކުރިން ދުވަހަކުވެސް ތަޅުލާފައެއް ނުހުރޭ: ނާޝިޒް

ކޮމިޓީ ބާއްވާ ކޮޓަރިތައް މީގެކުރިން ދުވަހަކުވެސް ތަޅުލާފައެއް ނުހުރޭ: ނާޝިޒް

ރައްޔިތުންގެ މަޖިލީހުގެ އިދާރާގައި ހުންނަ ކޮމިޓީތައް ބާއްވާ ކޮޓަރިތައް މީގެ ކުރިންވެސް އަބަދުވެސް ހުންނަނީ ތަޅުލާފައި ކަމަށް ބުނި ބުނުން ކިނބިދޫ ދާއިރާގެ މެމްބަރު މުހައްމަދު ނާޝިޒް ވިދާޅުވެއްޖެއެވެ.

ނާޝިޒް ވިދާޅުވީ ކޮމިޓީ ރޫމްތަކުގައި ކޮމިޓީ ހިނގާ ވަގުތު ފިޔަވައި އެއްވެސް އިރެއްގައި ލިޔެކިޔުން ނުހުންނާނެކަމަށެވެ.

"ދުވަހަކުވެސް ކޮމިޓީ ބާއްވާ ކޮޓަރިތައް ތަޅުލާފަ ނުހުރޭ މީގެކުރިންނެއް. އަދި ކޮމިޓީ ރޫމްތަކުގަ އެއްވެސް އިރެއްގައި (ކޮމިޓީ ހިނގާ ވަގުތު ފިޔަވާ) ލިޔެކިޔުން ނުހުންނާނެ. އެލިޔެކިޔުންތައް ހުންނާނީ ކޮމިޓީ ސެކްރެޓޭރިއެޓްގެ ބެލުމުގެ ދަށުގަ" ނާޝިޒް ވިދާޅުވިއެވެ.

Advertisement
HDC — Sidebar (box)

މެމްބަރު ނާޝިޒް މިހެން ވިދާޅުވީ "ރައްޔިތުންގެ މަޖިލީހުގެ ކޮމިޓީތައް ކުރިއަށްގެންދިޔުމަށް ކަނޑައަޅާފައިވާ ހުރިހާ ކޮޓަރިތަކެއް ތަޅުލައި ބަންދުކޮށްފި" ކަމަށް ބުނެ ބައެއް މީޑިއާތަކުން ފެތުރި ހަބަރު ސައްހަ ނޫންކަމަށް މަޖިލިސް އިދާރާއިން ބުނެފައިވަނިކޮށެވެ.

މިކަމާއި ގުޅިގެން މަޖިލިސް އިދާރާއިން ބުނީ ރައްޔިތުންގެ މަޖިލީހުގެ އިދާރާގައި ކޮމިޓީ ބައްދަލުވުން ބާއްވާ ކޮޓަރިތަކުގައި މުހިއްމު ލިޔެކިޔުންތައް ހުންނާތީ، ކޮޓަރިތަކުގައި މަސައްކަތެއް ކުރިއަށްނުދާ ހުރިހާ ވަގުތުތަކެއްގައިވެސް އެ ކޮޓަރިތަކަކީ ތަޅުލާފައި ހުންނަ ކޮޓަރިތަކެއް ކަމުގައެވެ.

މަޖިލީހުގެ މީޑިއާ އޮފިޝަލް ހަސަން ޒިޔާއު ވިދާޅުވީ މިއީ މަޖިލީހުގައި އާންމުކޮށްވެސް ކަން ކުރާ އުސޫލު ކަމަށެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.