ނިހާދު ރައީސް ނަޝީދު ފެކްޝަނަށް: އެހެން މީހުންނަށް ވަގަށް ގޮވަން ލަދު ގަންނަން ޖެހޭނެ
އެމްޑީޕީގެ ރައީސް މުޙައްމަދު ނަޝީދު ފެކްޝަނުގެ ގިނަ މެމްބަރުން، އެހެން މީހުންނަށް ވަގަށް ގޮވަން ލަދު ގަންނަން ޖެހޭނެ ކަމަށް ރައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު މިފަދައިން ވިދާޅުވީ، އެމްއެމްޕީއާރްސީގެ ބޮޑު ހިޔާނާތުގައި ހިމެނޭ ރ. ފުއްގިރި ކުއްޔަށް ދިނުމުގެ މުއާމަލާތުގެ މަޝްވަރާގައި މާފަންނު މެދު ދާއިރާގެ މެންބަރު އިބްރާހިމް ރަޝީދު (ބޮންޑޭ) ބައިވެރިވެވަޑައިގެންނެވި ކަމަށް ކުރީގެ ނައިބު ރައީސް އަޙްމަދު އަދީބު މިއަދު ވިދާޅުވުމާ ގުޅިގެންނެވެ.
ކޯޓުގައި މިއަދު އޮތީ ފުއްގިރި ކުއްޔަށް ދޫކުރުމުގެ މުއާމަލާތުގައި އަހްމަދު ކްރިކް ރިޒާ ލައްވައި ރިޝްވަތުގެ ގޮތުގައި 1.3 މިލިއަން ޑޮލަރު ޤަބޫލުކޮށް އޭގެ ތެރެއިން 1.1 މިލިއަން ޑޮލަރު ސަން ކުންފުނީގެ ދެ އެކައުންޓެއް މެދުވެރިކޮށް ޔާމީންގެ އެކައުންޓަށް ޖަމާކުރި ކަމަށް ބުނެެ އުފުލާފައިވާ މަނީ ލޯންޑްރިން އާއި ރިޝްވަތުގެ ދަޢުވާގައި ހެކިބަސް ނެގުމެވެ.
މިއަދުގެ އަޑުއެހުމުގައިއެންމެ ފުރަތަމަ އައީ މިއަދު އެންމެ ފުރަތަމަ ހެކިބަސް ދިން އެމްއެމްޕީއާރްސީގެ ކުރީގެ އެމްޑީ ޒިޔަތުއާ ސުވާލުކުރުމަށް ދިން ފުރުސަތުގައި އިބްރާހިމް ރަޝީދު ކިޔާ މީހަކާ އެއްވެސް މުއާމަލާތެއް ކުރިތޯ ދިފާއުން ސުވާލުކުރިއެވެ. އެހެން ކިޔާ މީހަކާ މުއާމަލާތް ނުކުރާ ކަމަށް ޒިޔަތު ވިދާޅުވުމުން ދިފާއުން ވަނީ އެއީ މެމްބަރު ބޮންޑޭކަން ސާފުކޮށް ބުނެފައެވެ.
ބޮންޑެއަށް ފާޑުވިދާޅުވެ، ނިހާދު ވިދާޅުވީ، ރައީސް ނަޝީދު ޖަލުގައި ހުންނެވި ދުވަސްވަރު، ބޮންޑެ އެންމެ ފަހުން ބައިވެރިވެވަޑައިގެންނެވި ހަރަކާތަކީ ޖަލު ކައިރިން ދޯނި ދުއްވި ހަރަކާާތް ކަމަށެވެ.
"އެއަށްފަހު، ރައީީސް ޔާމީންގެ ސަރުކާރާ ގުޅިގެން، ރަށް ވިއްކުމުގެ ވިޔަފާރީގައި އުޅުނީ."
ނިހާދު އިތުރަށް ވިދާޅުވީ، ރައީސް ނަޝީދުގެ ފެކްޝަނުން އެވަރުން ވެސް ވަގަށް ގޮވަނީ އެހެން މީހުންނަށް ކަމަށެވެ.
ތީ ބޮޑު ވަގެއް