ރަނިންމޭޓަކަށް ޝައުޤެއް ނެތް، އެއީ ރީކޯ މޫސަ ދައްކާ ވާަހަކައެއް: ފައްޔާޒު
ރައީީސް އިބްރާހީމް މުޙައްމަދު ޞާލިޙުގެ ރަނިންމޭޓުގެ މަޤާމަށް އެއްވެސް ޝައުޤުވެރިކަމެއް ނެތް ކަމަށް އެމްޑީޕީގެ ޗެއާޕާސަން އަދި އިކޮނޮމިކް މިނިސްޓަރު ފައްޔާޒު އިސްމާޢީލު ވިދާޅުވެއްޖެއެވެ.
ފައްޔާޒު ކުރެއްވި ޓްވީޓެއްގައި "ޢަދަދު" ނޫހުގައި ޝާއިޢުކޮށްފައިވާ ލިޔުމެއް ހިއްސާ ކުރައްވައި ވިދާޅުވީ، އޭނާ ރަނިންމޭޓަކަށް ވުމަށް ޝައުގުވެރިވެވަޑައިގަންނަވާ ކަމަށް ވާހަކަ ދައްކަވަނީ މޫސާ މަނިކު(ރީކޯ މޫސަ) ކަމަށާއި އެއީ ވަރަށް ދެރަ ކަމެއް ކަމަށެވެ.
އެމްޑީޕީގެ ރިޔާސީ ކެންޑިޑޭޓް، ރައީީސް ޞާލިޙުގެ ރަނިންމޭޓަކަށް ވެވަޑައިގަންނަވާނެ ބޭފުޅަކާއި ގުޅޭގޮތުން އެކި ވާހަކަތައް ދެކެވެމުން އަންނައިރު، މިކަމާ ގުޅޭގޮތުން ރައީީީސް ވިދާޅުވީ، ރަނިންމޭޓަކަށް އެކި ނަންތައް ހުށަހެޅެމުން އަންނަ ކަމަށާއި، ކޮންމެ ރެއަކުހެން އެކަމުގެ މަޝްވަރާތައް ހިނގަމުންދާ ކަމަށެވެ.
2018 ވަނަ އަހަރުގެ ރިޔާސީ އިންތިޚާބު، ރައީސް ޞާލިޙު ކާމިޔާބު ކުރެއްވީ، އޭރުގެ ކޯލިޝަން ބައިވެރިޔާ، ޖުމްހޫރީ ޕާޓީގެ ފައިސަލް ނަސީމާއެކުގައެވެ. ފައިސަލް މިފަހަރުވެސް ރައީސްގެ އަރިހުގައި ހުންނެވިއިރު، އެ މަނިކުފާނަށް ރަނިންމޭޓުކަން ދެއްވުން ގާާތް ކަމަށް ބެލެވެއެވެ.
Ads by STO
