Tuesday, 17 November 2026
Advertisement
STO — McCoy (leaderboard)
ސިޔާސީ

އިދިކޮޅުން ވެރިކަން ބޭނުންވީމައި އެމީހުން ހިންގި ޖަރީމާތަކުގައި މަތިއަޅަން ކިތަންމެ ކޮހެއްވެސް ގޮވާނެ: އިޔާޒު

އިދިކޮޅުން ވެރިކަން ބޭނުންވީމައި އެމީހުން ހިންގި ޖަރީމާތަކުގައި މަތިއަޅަން ކިތަންމެ ކޮހެއްވެސް ގޮވާނެ: އިޔާޒު

އިދިކޮޅުން ވެރިކަން ބޭނުންވީމައި އެމީހުން ހިންގި ޖަރީމާތަކުގައި މަތިއަޅަން ކިތަންމެ ކޮހެއްވެސް ގޮވާނެކަމަށް ޑރ. މުޙައްމަދު އިޔާޒު ޢަބްދުއްލަޠީފް ވިދާޅުވެއްޖެއެވެ.

އިޔާޒު ކުރެއްވި ޓްވީޓެއްގައި މިހެން ވިދާޅުވެފައި ވަނީ ރިޔާސީ އިންތިޚާބުގެ ކެމްޕެއިން ތެރެއިން ހއ.އަތޮޅަށް ރައީސް ޞާލިޙް މިއަދު ވަޑައިގެން އެ އަތޮޅު ހޯރަފުށީގައި، އެމްޑީޕީ މެމްބަރުންނާއި ރައީސް ޞާލިޙަށް ތާއީދުކުރައްވާ ބޭފުޅުންނާއި އެކު ބޭއްވި ޖަލްސާގައި ދެއްކެވި ވާހަކަފުޅަކާއި ގުޅުވައިގެންނެވެ.

އެގޮތުން ކޮވިޑްގެ ޕެންޑެމިކްގެ ތެރޭގައި ސަރުކާރަށް ކުރިމަތިލާންޖެހުނު ކަންތައްތަކަށް އަލިއަޅުވައިލައްވަމުން ރައީސް ޞާލިޙު ވިދާޅުވީ ރައްޔިތުން މާޔޫސްކުރުވާ ސަރުކާރާމެދު ރައްޔިތުން ނަފުރަތު އުފެއްދުމަށް ކެނޑިނޭޅި ވާހަކަތައް ފަތުރަމުން ދިޔަ ކަމަށެވެ.

Advertisement
Ooredoo — Truecaller (box)

"ކޮވިޑްގެ ތެރޭގައި ހާދައުނދަގުލެއް އަޅުގަނޑުމެންނަށް ކުރިމަތިވިއޭ. އެހެންގޮތަކަށް ބުނާނަމަ، ހާދަ ޖެއްސުމެއް ކުރިއޭ. އުންމީދެއް ނެތްކަމަށްދެކި، އަޅުގަނޑުމެން ނެތިދަނީކަމަށް ދެކި ވާހަކަތައް ދައްކަމުންދިޔަ. ބައެއް ސިޔާސީ ލީޑަރުން ނިކުމެ ވިދާޅުވީ ރިސޯޓްތަކުގެ ބަދިގެތަކުގައި ދެންވީ މަސްކައްކަންށޭ، ރިސޯޓްތަކުގައި ވީ ދަނޑުވެރިކަމޭ ކުރަން، މިރާއްޖޭގެ ޓޫރިޒަމް ހަލާކުވެ ދިޔައިއްޔޭ." ރައީސް ވިދާޅުވިއެވެ.

އެމަނިކުފާނު ވަނީ ކޮވިޑްގެ ވަބާއާއި ގުޅިގެން އެދުވަހު ބައެއް ސިޔާސީ ލީޑަރުން ބުނިގޮތަށް ރިސޯޓްތަކުގެ ބަދިގެތައް މަސްކައްކާ ތަނަކަށް ހެދިނަމަ ދެންވާނެގޮތަކާ މެދު ސުވާލުވެސް އުފައްދަވައިފައެވެ. އަދި އެ ސިޔާސީ ލީޑަރުންގެ ވާހަކަތަކަކީ ފިތުނައާ ފަސާދައާ ދެކޮޅުވެރިކަން އުފެއްދުމަށް ދެއްކި ވާހަކަތަކެއް ކަމަށްވެސް ރައީސް ޞާލިޙު ވިދާޅުވިއެވެ.

މިކަމާ ގުޅުވައިގެން އިޔާޒު ކުރެއްވި ޓްވީޓުގައި ވިދާޅުވެފައިވަނީ އިދިކޮޅު ފަރާތްތަކުން ވެރިކަން ބޭނުންވީމައި އެބައިމީހުން ހިންގާފައިވާ ޖަރީމާތަކުގައި މަތިއަޅަން އެފަދަ ކިތަންމެ "ކޮހެއް"ވެސް ގޮވާފައި ހުންނާނެކަމަށާއި އަދި ކުރިއަށް އޮތް ތަނުގައިވެސް ގޮވާނެކަމަށެވެ.

https://twitter.com/dr_iyaz/status/1681581750194176001?s=46&t=L_0C3CObYAbb3HCn7K61VA

މީގެ އިތުރުން، އެފަދަ ކިތަންމެ "ކޮހެއް" ގޮވިޔަސް ކާމިޔާބު ލިބޭނީ އިޚްލާޞްތެރިކަމާއެކު ކުރާ މަސައްކަތްތަކަށްކަމަށް އިޔާޒު ވިދާޅުވެފައިވެއެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.