Monday, 16 November 2026
Advertisement
Ooredoo — Article-Top (leaderboard)
ސިޔާސީ

ފުއްގިރި މައްސަލަ: މިއަދަށް ތާވަލު ކުރި އަޑުއެހުން ވެސް ކެންސަލް

ފުއްގިރި މައްސަލަ: މިއަދަށް ތާވަލު ކުރި އަޑުއެހުން ވެސް ކެންސަލް
މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން(އެމްއެމްޕީއާރްސީ) މެދުވެރިކޮށް ހިންގައިފައިވާ ޚިޔާނާތުގައި ހިމެނޭ، ރ. ފުއްގިރި މައްސަލައިގައި ކްރިމިނަލް ކޯޓުގައި މިއަދު ކުރިއަށް ގެންދަން ތާވަލުކުރި ޝަރީއަތް ވެސް ކެންސަލްކޮށްފިއެވެ.

މަޢުލޫމާތު ލިބިފައިވާ ގޮތުގައި، މިއަދުގެ ޝަރީއަތް ކެންސަލްކުރީ މި މައްސަލައިގައި ދައުވާކޮށްފައިވާ ސަން ކޮންސްޓްރަކްޝަން ކުންފުނީގެ ދެ ވަކީލަކު އެހެން ކޯޓަކަށް ހާޒިރުވުމަށް އަންގާފައި އޮތުމުން އެ މައްސަލަތައް މިއަދުގެ ޝަރީއަތް ބޭއްވުމަށް އޮތް ގަޑިއާ ފުށޫއަރާތީއެވެ.

ފުއްގިރި ކުއްޔަށް ދިން މައްސަލައިގައި ރައީސް ޔާމީންގެ މައްޗަށް ދައުލަތުން އުފުލާފައި ވަނީ، ފުއްގިރި ކުއްޔަށް ދޫކުރުމުގައި މަޤާމުގެ ނުފޫޒު ބޭނުންކޮށްގެން ރިޝްވަތު ނަގައި އަދި އެ ފައިސާ ބޭނުން ކޮށްގެން މަނީ ލޯންޑާ ކުރުމުގެ ޢަމަލު ހިންގަވާފައި ކަމަށް ބުނެ ކުރި ދެ ދަޢުވާއެވެ.

މި މައްސަލައިގައި މއ. ކުރިކީލަހިޔާ, އަޙްމަދު ކުރިކް ރިޒާގެ މައްޗަށްވެސް ދަޢުވާ އުފުލި ނަމަވެސް ކްރިކް ރިޒާ ބަލިވެ އުޅޭތީ، ރައީީސް ޔާމީންގެ މައްސަލަ މަޑުޖެހިފައި އޮތުމުން، ދަޢުލަތުން އެދިގެން، އެ ދަޢުވާތައް ވަނީ އަނބުރާ ގެނެސްފައެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.