Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

އިންޑިއާއާއެކު ހަދާފައިވާ "ސިއްރު" އެއްބަސްވުންތަކުން ރާއްޖޭގެ މިނިވަންކަމަށް އަސަރު ކުރާނަމަ، ބާތިލު ކުރާނަން: އިލްޔާސް 

އިންޑިއާއާއެކު ހަދާފައިވާ "ސިއްރު" އެއްބަސްވުންތަކުން ރާއްޖޭގެ މިނިވަންކަމަށް އަސަރު ކުރާނަމަ، ބާތިލު ކުރާނަން: އިލްޔާސް 

މި ސަރުކާރުން އިންޑިއާއާއެކު ހަދާފައިވާ "ސިއްރު" އެއްބަސްވުންތަކުގައި ރާއްޖޭގެ މިނިވަންކަމަށް އެއްވެސް އަސަރެއް ކުރާނަމަ އެއެއްބަސްވުމެއް، ވެރިކަން ލިބިއްޖެނަމަ ބާތިލް ކުރައްވާނެކަމަށް "ދަ ޑިމޮކްރެޓްްސް"ގެ ރިޔާސީ ޕްރައިމަރީގައި ވާދަ ކުރައްވާ ކެންޑިޑޭޓު އިލްޔާސް ލަބީބު ވިދާޅުވެއްޖެއެވެ.

ރިޔާސީ އިންތިޚާބުގެ ކަވަރޭޖަށް ޚާއްސަކޮށްގެން 'ދައުރު'ން އިއްޔެ ފެށި 'ރިޔާސީ ވާހަަކަ' ޕްރޮގްރާމްގައި ވާހަކަ ދައްކަވަމުން އިލްޔާސް ވިދާޅުވީ ޑިމޮކްރެޓްްސްގެ  ސަރުކާރެއްގައި އެއްވެސް ކަމެއްގައި އެއް ގައުމަކަށް ބަރޯސާވެފައި ނޯންނާނެ ކަމަށެވެ.

"އެއީ، އެއްވެސް ޙާލަތެއްގައި އަޅުގަނޑު ނުދެކެން، ގައުމެއް ކުރިއަރަމުން ދާއިރު، އެއް ގައުމަކަށް ބަރޯސާވެގެން ހުރިހާ ކަމެއްގައި އަޅުގަނޑުމެންނަށް ގައުމު ކުރިއަށް ގެންދެވޭނެ ކަމަކަށް." އިލްޔާސް ވިދާޅުވިއެވެ.

Advertisement
Allied — Dhen Online (box)

އިލްޔާސް ވިދާޅުވީ އިންޑިއާއަކީ، އަވައްޓެރި، އެންމެ ކައިރީގައި އޮތް އެންމެ ބޮޑު ގައުމު ކަމަށާއި އެގައުމާއެކު ބަހައްޓަން ޖެހޭ ގުޅުން ބަހައްޓަން ޖެހޭނެ ކަމަށެވެ. އެހެން ނަމަވެސް، ޑިމޮކްރެޓްްސްގެ ސަރުކާރެއްގައި ވަކި ގައުމުތަކާއެކު ހެދިފައި އޮންނަ ވަކި ސިއްރު އެގްރިމަންޓްތަކެއް ނޯންނާނެ ކަމަށް އިލްޔާސް ފާހަގަ ކުރެއްވިއެވެ.

"އަޅުގަނޑު ގަބޫލެއް ނުކުރަން، މިހާރު ސިއްރުކޮށްފައި އެވާ އެގްރިމަންޓަކީ ސިއްރުކޮށްފައި އޮންނަން ޖެހޭ އެގްރިމަންޓެއް ކަމަށް. އެއީ ރައްޔިތުންނަށް ސާފުކޮށް އެނގެން ޖެހޭ އެގްރިމަންޓެއް ކަމަށް އަޅުގަނޑު ދެކެނީ. އެހެންވީމަ، އެ ސިއްރު ނުހިފެހެއްޓޭނެ." އިލްޔާސް ލަބީބު ވިދާޅުވިއެވެ.

މާދަމާ ބޭއްވުމަށް ހަމަޖެހިފައިވާ ޑިމޮކްރެޓްްސްގެ ރިޔާސީ ޕްރައިމަރީއަށް ކުރިމަތިލައްވާފައިވަނީ ހަމައެކަނި އިލްޔާސް ލަބީބެވެ.

އެހެންކަމުން އެޕާޓީން ނަގާނީ ފެންނަ ނުފެންނަ ވޯޓެކެވެ. އެޕާޓީން ބުނިގޮތުގައި މާދަމާގެ ރިޔާސީ ޕްރައިމަރީ އިންތިހާބު ކުރިއަށް ގެންދާ ވަގުތުގައިވެސް އެޕާޓީގެ މެމްބަރަކަށްވެ ވޯޓުލުމުގެ ފުރުސަތު އޮންނާނެއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.