މިއީ ދިވެހި ދައުލަތަށް ކަޅު ދުވަހެއް : ސައީދު
މިއަދަކީ ދިވެހި ދައުލަތަށް ކަޅު ދުވަހެއްކަމަށް ޕީއެންސީގެ ނައިބުރައީސް އަދި މާވަށު ދާއިރާގެ ރައްޔިތުން މަޖިލީހުގެ މެންބަރު މުޙައްމަދު ސައީދު ވިދާޅުވެއްޖެއެވެ.
ސައީދު މިފަދައިން ވިދާޅުވީ ޕީޕީއެމްގެ ރައީސް، އަދި ކުރީގެ ރައީސް ޢަބްދުﷲ ޔާމީން އަބްދުލްގައްޔޫމްގެ މައްޗަށް ކްރިމިނަލް ކޯޓުން ހުކުމެއް އިއްވާފައިވާތީ އެމަނިކުފާނަށް ރިޔާސީ އިންތިޚާބުގައި ވާދަކުރެއްވުމުގެ ޝަރުތު ހަމަނުވާކަމަށް ދެކެވަޑައިގަންނަވާކަމަށް ދިވެހިރާއްޖޭގެ ސުޕްރީމް ކޯޓުގެ ފަނޑިޔާރުންގެ އިއްތިފާގުން ނިންމުމާއި ގުޅިގެންނެވެ.
މިކަމާއި ގުޅިގެން ސައީދު ކުރެއްވި ޓްވީޓެއްގައި ވިދާޅުވީ ގާނޫނު އަސާސީން ލިބިދޭ އަސާސީ ހައްގެ ހަނިކޮށްފައިވާކަމަށެވެ.
އަދި އެފަދައިން އެ ހައްގު ހަނިކޮށްފައިވާއިރު ދިވެހި ދައުލަތުގެ އެންމެ މަތީ އިންސާފަށް ސްޕްރީމް ކޯޓަށް ވަންހަނާވީ ރައީސް ޔާމީންގެ މުޅި ޝަރީއަތުގެ އެންމެހައި މަރުހަލާތައް ފެށިގެން ކަން ހިގަމުންދިޔަގޮތްކަމަށްވެސް ސައީދު ވިދާޅުވެފައިވެއެވެ.
"ގާނޫނު އަސާސީން ލިބިދޭ އަސާސީ ޙައްޤެއް ހަނިކުރިއިރު ދިވެހިދައުލަތުގެ އެއްމެމަތީ އިންސާފަށް ވަންހަނާވީ ރައީސްޔާމީންގެ މުޅިޝަރީއަތުގެ އެންމެހައި މަރުހަލާތައް ފެށިގެން ކަންހިގަމުންދިޔަގޮތް. ތަޙްގީޤް، ދައުވާއުފުލުން، ހުކުން" ސައީދު ވިދާޅުވެފައިވެއެވެ.
އެކަން ފާހަގަކުރައްވާ މެންބަރު ސައީދު ވިދާޅުވީ މިއަދަކީ، ދިވެހި ދައުލަތަށް ކަޅުދުވަހެއް ކަމަށާއި ނަމަވެސް އަދި މި ހިސާބުން ނިމުނީ ނޫންކަމަށެވެ.
ކަލޭ އަށް ކަޅުވިޔަސް އަހަރެމެނަށް ހަމަ އަލި ސާފު ދުވަހެއް. ޢުފާ ވެރި ދުވަހެއް. އަލްހަމްދު ލިއްލާހި.