ޕްރައިމަރީ ހެލްތް ކެއާ ނިޒާމުގެ ތެރެއިން ޑްރަގަށް ފަރުވާ ދޭން ޑިމޮކްރެޓުން ވައުދުވެއްޖެ
ރާއްޖެއަށް ކުރިމަތިވެފައިވާ މަސްތުވާތަކެތީގެ މައްސަލަ ހައްލުކުރުމަށްޓަކައި ޑިމޮކްރެޓްސްގެ ވެރިކަމެއްގައި ޕްރައިމަތީ ހެލްތު ކެއާ ނިޒާމުގެ ތެރެއިން ޑްރަގަށް ފަރުވާ ދޭން އެ ޕާޓީން ވައުދުވެއްޖެއެވެ.
ޑިމޮކްރެޓްސްގެ ރިޔާސީ ކެންޑިޑޭޓް، ހުޅުދޫ ދާއިރާގެ މެމްބަރު އިލްޔާސް ލަބީބް އިއުލާންކޮށްފައިވާ "ދިވެހިން ޑްރަގުން ސަލާމަތްކުރުން" ސިޔާސަތުގައި ބުނެފައިވަނީ ރާއްޖޭގެ މަސައްކަތު އާބާދީގެ ބޮޑުބައެއް މަސްތުވާތަކެތީގެ ވަބާގައި ތާށިވެފައިވާ ކަމަށާއި އެކަމުން ސަލާމަތްވެ އަލުން އެނބުރި އާންމު ދިިރުޅުމުގެ ތެރެއަށް އާދެވޭނެ މަގެއް ނުފެނި ބޮޑު މާޔޫސްކަމެއްގެ ތެރޭގައި ތިބޭ މަންޒަރު ފެންނަމުންދާ ކަމަށެވެ.
އަދި މިކަމަކީ އެތަކެއް އާއިލާތައް ރޫޅި, ދަރިންތައް ބިކަވުމުގެ އެއް އަސްލު ކަމަށާއި ރާއްޖޭގެ އުފެއްދުންތެރިކަން ކުރިއަރާ ދިޔުމަށް ވެސް އޮތް އެންމެ ބޮޑު އެއް ހުރަހަކީ އެއީ ކަމަށް ވެސް ބުނެފައިވެއެވެ.
" ޑިމޮކްރެޓުންގެ އިގްތިމާއީ ސިޔާސަތުތަކުގެ ތެރެއިން ހުށަހަޅަނީ ސިއްހަތާއި ތައުލީމުގެ ތެރޭގައި އާލާކޮށް, ސިއްހީ ނިޒާމުގެ ތެރެއިން މަސްތުގެ ވަބާއަކީ ފަރުވާ ދޭންޖެހޭ ބައްޔެއް ކަމަށް ދެނެތިބެ އެމަގަށް ސިޔާސަތުތައް ތަރުތީބުކުރުން" އެ ސިޔާސަތުގައި ބުނެފައިވެއެވެ.
މިކަމަށް ހައްލެއް ހޯދުމަށްޓަކާ ޑިމޮކްރެޓުންގެ ސަރުކާރެއްގެ ސިޔާސަތާއި ކުރާނެ ކަންތައްތައް:
- ފަރުވާ ބޭނުންވާ ބައްޔެއްކަން ދެނެގަނެ، އެމަގަށް ގާނޫނުތަކާއި ސިޔާސަތުތަކާއި މަސައްކަތްތައް ތަރުތީބުކުރުން
- ޑްރަގް ފަރުވާއާ ގުޅޭ އެންމެހައި މަސައްކަތްތައް ރާއްޖޭގެ ޕްރައިމަރީ ހެލްތުކެއާ ނިޒާމުގެ ތެރެއަށް ވެއްދުން
- ކައުންސިލްތަކާއި އަމިއްލަ ޖަމިއްޔާތަކާއި ދާއިރާތަކުގެ ފަންނީ މާހިރުންނާއި އެހެނ ވެސް މަސްލަހަތުވެރިންގެ ބައިވެރިވުން ކަށަވަރުވާނެހެން ނެޝަނަލް ޑްރަގް އޭޖެންސ (އެންޑީއޭ) އެކުލެވޭ ގޮތް ގާނޫނުގައި ކަނޑައެޅުން
- ފަނޑިޔާރުންނާއި ތަހުގީގުކުރާ އޮފިސަރުންނާއި އެ އިދާރާތަކުގއ މުވައްޒަފުންނަކީ ސަބްސްޓެންސް އެބިއުސްގެ އަސަރުތައް ދެނެގަންނަން ބޭނުންވާ ތަމްރީނާއ ތަޖުރިބާހުރި ބައެއްކަމުގައި ގާނޫނުން ކަށަވަރު ކުރުން
- ސަބްބްޓެންސް އެބިއުސްގެ މައްސަލަތަކުގައި ކުރާ ހުކުމްތައް ފަންނީ ލަފައަށް ބިނާކުރަން ލާޒިމުވާނެ ގޮތަށް ގާނޫނު އިސްލާހު ކުރުން އަދި ފަރުވާގެ މަރުހަލާ ވެސް ފަންނީ ލަފައާއި އެއްގޮތަށް ކުރިއަށް ގެންދާކަން އެންޑީސީސީ އާއި އެންޑީއޭއިން ކަށަވަރުކުރަން ގާނޫނުން ލާޒިމްކުރުން
- ރިމާންޑް ސެންޓަރުތަކާއި ޖަލުތަކާއި އަދި ފަރުވާގެ މަރުކަޒުތަކުގައި އަންހެނުންނާއި ކުޑަކުދިންނަށް ބޭނުންވާނެ ހިދުމަތްތަކާއި ވަސީލަތްތައް، ތަމްރީނު ދެވިފައިވާ މުވައްޒަފުންނާ އެކު ރާއްޖޭގެ ހުރިހާ ސަރަހައްދެއްގައި ގާއިމްކުރުން
- މަސްތުވާތަކެތިން ސަލާމަތްވެ އާއިލާއާއި މުޖުތަމައުގެ ތެރެއަށް ރީއިންޓަގްރޭޓް ވުމަށް ބޭނުންވާ ހުރިހާ ހަރުފަތެއްގެ ފަރުވާދޭނެ ހެލްތު-ކެފޭތައް އެކަށީގެންވާ އިންސާނީ ވަސީލަތްތަކާއި އެކު ގާއިމްކުރުން
- ޑްރަގުގެ ފަރުވާއާ ގުޅޭ ފަންނީ ގާބިލުކަން ހުރި ބޭރުގެ ފަރާތްތަކާއި ޖަމިއްޔާތަކާއި ޕްރައިވެޓް ސެކްޓާއަށް ވެސް ރާއްޖޭގައި ފަރުވާގެ މަރުކަޒުތައް ހިންގޭނެހެން ގާނޫނީ ނިޒާމު ތަރުތީބުކޮށް، ލައިސަންސް ދޫކުރުން
- ރާއްޖޭގެ އެކިއެކި ސަރަހައްދުތަކުގައި ގާއިމުކުރެވޭ ފަރުވާގެ މަރުކަޒުތައް ހިންގުމާ އެތަންތަނުން ފޯރުކޮށްދޭ ފަރުވާގެ ހުރިހާ މަރުހަލާއެއްގައި މުޖުތަމުގެ ބޮޑު ބައިވެރިވުމެއް އޮންނާނެހެން ޕްރޮގްރާމްތައް އެކަށައަޅާ ހިންގުމުގައި ކައުންސިލްތަކުގެ ބައިވެރިވުން ކަށަވަރުކުރުން
- ފަރުވާގެ ހަރުފަތްތައް ނިންމާ ރީއިންޓަގްރޭޝަން މަރުހަލާއަށް އަންނަ ފަރާތްތަކަށް ވަޒީފާ އާއި މަސައްކަތްތަކުގެ ފުރުސަތު ހޯދައިދޭން ޕްރޮގްރާމެއް ތައާރަފުކުރުން
- ރާއްޖެއަށް މަސްތުވާތަކެތި އެތެރެވާ ދޮރުތައް ބަންދުކޮށް އޭގެ ވިޔަފާރިއާއި ޑިސްޓްރިބިއުޝަން ނެޓްވޯކުތައް ހުއްޓުވުމަށް ތަހުގީގީ އަދި ތަންފީޒީ އިދާރާތަކަށް އެކީ މަސައްކަތްކުރެވޭނެ ނިޒާމެއް ގާއިމްކުރުން
- އަތުލައިގަނެވޭ މަސްތުވާތަކެތި ހާމަކަން ބޮޑުގޮތެއްގައި ނައްތާލެވޭނެ ނިޒާމެއް ގާއިމްކޮށް، އެކަން ކުރަންޖެހޭ ވަގުތު ކަނޑައަޅާ، ފާރަވެރިވެވޭނެ އިންތިޒާމެއްގެ ތެރެއިން ގުޅިފައިވާ މުއައްސަސާތައް ހިމެނޭހެން ތަންފީޒީ ބޯޑެއް އެކުލަވާލުން
- އިސްލާމް ދީނުގައި މިކަން ހުއްޓުވުމަށް ދީފައިވާ އަހަންމިއްޔަތުކަމާއި، ސިއްހީ އަދި ސައިންސްގެ ހޯދުންތަކުގެ މައްޗަށް ހޭލުންތެރިކުރުވުން ތައުލީމީ ނިޒާމުގެ ތެރެއަށް ވައްދާ އަދި ސްކޫލް ކުދިން ދުންފަތުގެ ބާވަތްތައް ބޭނުންކުރުން ހުއްޓުވުމަށް ޓީޗަރުންނާއި ބެލެނިވެރިންނަށް އަމާޒުކޮށް ޕްރޮގްރާމެއް ހިންގުން ހިމެނެއެވެ.
ޑްރަގް އަކީ ފަރުވާ ދޭންޖެހޭ ބައްޔެއްނޫން. ޑްރަގް އަމިއްލަޔަށް ހުއްޓާލެވޭ. ބޭނުންނުކޮށް 21 ދުވަސްވާއިރު މީހާ ނޯމަލް ވޭ. ބޭނުން ނުކޮށް ހުއްޓާލީމަ ބަލިވާނެ . އެދުވަސްވަރު ރަނގަޅު ކާނާ އާއި ގައިގެ ވަރު ޖައްސާނެ ބޭސް ބޭނުންވޭ. 15 ދުވަސް ތެރޭ ބަލި ވުން ރަނގަޅުވާނެ. ބޭސްކޮށްގެން މުޖްތަމައަށް އަންނަންޖެހޭނީ އެކަމުން ދުރުވާން ބޭނުންވާމީހާ އަމިއްލަޔަށް . ބަޔަކު އޭނަ މުޖްތަމައަށް ގެންނަން ކިތަންމެ މަސައްކަތެއް ކުރިޔަސް އެމީހާ ބޭނުންނުވެ އެކަން ކާމިޔާބު ނުކުރެވޭނެ. ޑްރަގް ރިހިބިލިޓޭސަން އެއްގޮތަކަށް ވެސް ބޭނުން ތަނެއްނޫން