އެމްއާރްއެމްގެ ކައުންސިލް މެމްބަރަކު އެމްޑީޕީއަށް

އުވައިލަން ނިންމާފައި އޮތް ޕާޓީ، އެމްއާރްއެމްގެ ކައުންސިލް މެމްބަރު މުޙައްމަދު ރާއިދު އެ ޕާޓީން ވަކިވެ، އެމްޑީޕީއާ ރޭ، ގުޅިވަޑައިގެންފިއެވެ.
ރާއިދު އެމްޑީޕީއާ ގުޅިވަޑައިގެންނެވި ފޯމު، ރޭ ވަނީ ރައީސް އިބްރާހީމް މުޙައްމަދު ޞާލިޙާއި ޙަވާލު ކުރައްވައިފައެވެ.ރާއިދަކީ އެމްއައިޓީސީގެ މެނޭޖިން ޑިރެކްޓަރެވެ.
އެމްއާރްއެމް އުވައިލުމުގެ މައްސަލަ ކޯޓްގައި އޮތުމާ ގުޅިގެން، އެ ޕާޓީ އަށް ނިސްބަތްވާ ފާރިސް މައުމޫން މި އަހަރުގެ ރިޔާސީ އިންތިޚާބުގައި ވާދަކުރައްވަނީ އަމިއްލަ ގޮތުންނެވެ. ރާއިދުގެ އިތުރުން ވެސް ބައެއް މެމްބަރުން ރޭ އެމްޑީޕީއާ ގުޅިވަޑައިގެންފައިވެއެވެ. މި އަހަރުގެ ރިޔާސީ އިންތިޚާބަށް އެމްއާރްއެމުން އެމްޑީޕީއާއިއެކު ކޯލިޝަން ހަދައިފައެއް ނުވެއެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.