Monday, 16 November 2026
Advertisement
Ooredoo — Airfibre (leaderboard)
ސިޔާސީ

އަޅުގަނޑުމެން މިތިބީ މެންޓަލް ބްލޮކެއްގައި ތާށިވެފައި، ތާށިކޮށްފައި": ފާރިސް"

އަޅުގަނޑުމެން މިތިބީ މެންޓަލް ބްލޮކެއްގައި ތާށިވެފައި، ތާށިކޮށްފައި": ފާރިސް"

ދިވެހި ރައްޔިތުން މިތިބީ މެންޓަލް ބްލޮކެއްގައި ތާށިވެފައާއި ތާށިކޮށްފައިކަމަށް އަމިއްލަ ގޮތުން މިއަހަރުގެ ރިޔާސީ އިންތިޚާބަށް ވާދަކުރައްވާ ފާރިސް މަޢުމޫން ޢަބްދުލްޤައްޔޫމް ވިދާޅުވެއްޖެއެވެ.

ރޭ ސަލްޓަން ޕާކުގައި ބޭއްވި ކެންޕެއިން ޖަލްސާގެ ތެރޭގައި ވާހަކަ ދައްކަވަމުން ފާރިސް ވިދާޅުވީ ޤައުމުގެ ހާލަތާއިމެދު ވަރަށް ގިނަ ކަންބޮޑުވުންތަކެއް އެބަހުރިކަމަށާއި އޭގެތެރެއިން އެންމެ ޚާއްސަގޮތެއްގައި ރައްޔިތުންގެ މެދުގައި ދަރަޖަކުރެވިފައި އޮންނަ އޮތުން ފާހަގަކުރެވޭކަމަށެވެ.

"އެއްބަޔަކު މުއްސަނދިވެގެން ގޮސް އިންތިހާއަށް މުއްސަނދި، އަނެއް ބަޔަކު ވަރަށް ނިކަމެތި ހާލުގައި"

Advertisement
Ooredoo — Square (box)

ރާއްޖޭގެ ނުވަދިހަ އިންސައްތައަށް ވުރެ ގިނަ މީހުން ދިރިއުޅެނީ ނިކަމެތި ހާލުގައި ކަމަށާއި މާލެ ކަހަލަ ރަށެއްގައި ދިރިއުޅުމުގެ ޚަރަދުތައް ބޮޑުކަމުން ރައްޔިތުން ތިބެނީ މާޔޫސްކަންމަތީގައި ކަމަށް ފާރިސް ވިދާޅުވިއެވެ.

<img class="alignnone wp-image-193650 size-large" src="https://cdn.dhen.mv/wp-content/uploads/2023/08/IMG_3657-1024x682.webp" alt="" width="1024" height="682" />

ފާރިސް ވިދާޅުވީ ރާއްޖޭގެ ދައުލަތަކީ ވަރަށް މުއްސަނދި ދައުލަތެއްކަމަށާއި ރަނގަޅުގޮތުގައި މި މުއްސަނދިކަން ބޭނުންކުރެވިއްޖެނަމަ، އަދި އިތުރަށްވެސް މުއްސަނދިވެގެން ދާނެ ޤައުމެއްކަމަށެވެ.

ފާރިސް އިތުރަށް ވިދާޅުވީ ޒަރޫރީ އެތައް ބޭނުންތަކެއް ނުފުދި އެތަކެއް ރައްޔިތުންނެއް މި ރާއްޖޭގައި ދިރިއުޅެމުންދާކަމަށެވެ. އަދި މި މުޖުތަމަޢުގެ ތެރޭގައި ފަސާދަ އާއި ކޮރަޕްޝަން ޢާންމުވެފައިވާ މިންވަރުގެ ސަބަބުން ރައްޔިތުން ތިބެނީ މާޔޫސްވެފައިކަމަށެވެ.

"އަޅުގަނޑުމެން މިތިބީ މެންޓަލް ބްލޮކެއްގައި ތާށިވެފައި، ތާށިކޮށްފައި"

ނަމަވެސް ރާއްޖޭގައިވެސް ކުޅަދާނަ އަދި ދުނިޔޭގެ ފެންވަރުގައި ގުނާލެވޭފަދަ ތަޢުލީމީ އަދި ފަންނީ ޤާބިލް މީހުން އެބަ ތިއްބެވިކަމަށާއި، ރައްޔިތުންގެ ވިސްނުން ބަދަލުކޮށްލުމަށް ފާރިސް ވަނީ އެދިވަޑައިގެންފައެވެ.

"ދިވެހި ޤައުމަކީ ވަސީލަތްތައް ގިނަ، ވަރަށް ރީތި، އަޚްލާޤީ މިންގަނޑުވެސް ރަނގަޅު، މުސްލިމް، ފޯރުންތެރި، ކެރުންތެރި، ކުޅަދާނަ އަދި މަސައްކަތްތެރި ރައްޔިތުން ތިބި ޤައުމެއް"

ފާރިސް ވިދާޅުވީ ހުރިހާ ރައްޔިތުންގެ ވިސްނުން ބަދަލުކޮށްފިނަމަ، ހުރިހާ ކަމެއް ބަދަލުވެގެންދާނެ ކަމަށެވެ.

ރޭ ބޭއްވި ރަސްމިއްޔާތުގައި ވަނީ ފާރިސްގެ ރިޔާސީ ކެންޕެއިން ރަސްމީކޮށް އިފްތިތާޙްކޮށްފައެވެ. މި ރަސްމިއްޔާތުގައި ފާރިސްގެ ރަނިންމޭޓް ޑރ. ޢަބްދުއްސައްތާރު ޔޫސުފް އާއި ބައްޕާފުޅު އަދި ކުރީގެ ރައިސް މަޤުމޫން ޢަބްދުލްޤައްޔޫމާއި އަދި މަންމަ ނަސްރީނާ އާދަމް ބަޑައިވެރިވެވަޑައިގެންނެވިއެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.