Monday, 16 November 2026
Advertisement
Ooredoo — Airfibre (leaderboard)
ސިޔާސީ

ގިނަ ބަނދަރުތަކާއި މަގުތައް ހެދިޔަސް، ޒުވާނުން ބިތްޖެހިފައި ތިބޭނަމަ، ބޭނުމެއް ނެތް: ‏ނާޒިމް

ގިނަ ބަނދަރުތަކާއި މަގުތައް ހެދިޔަސް، ޒުވާނުން ބިތްޖެހިފައި ތިބޭނަމަ، ބޭނުމެއް ނެތް: ‏ނާޒިމް
ކިތަންމެ ގިނަ ބަނދަރުތަކަކާއި މަގުތައް ހެދިޔަސް، އެތަންތަން ބޭނުން ކުރަން ތިބި ޒުވާނުން ބިތް ޖެހިފައި ތިބޭނަމަ، އެފަދަ ތަންތަން ތަރައްގީ ކުރުމުގެ ބޭނުމެއް ނެތް ކަމަށް މޯލްޑިވްސް ނެޝަނަލް ޕާޓީ(އެމްއެންޕީ)ގެ ރިޔާސީ ކެންޑިޑޭޓް މުހައްމަދު ނާޒިމް ވިދާޅުވެއްޖެއެވެ. "އުޖާލާ ޒަމާން" ނާޒިމްގެ މާލޭގެ ތަރައްގީގެ ސިޔާސަތު ހުށަހެޅުމަށް ރޭ ބޭއްވި ޖަލްސާގައި ވާހަކަ ދައްކަވަމުން އޭނާ ވަނީ، އޭނާގެ ތަރައްގީގެ ޕްލޭން ވަރަށް ބޮޑަށް ތަފާތުވާނެ ކަމަށާއި، އެ ޕްލޭނަކީ މާލެ ސަރަހައްދު ތޮއްޖެއްސުން ނޫން ކަމަށް ވިދާޅުވެފައެވެ.
"އެތަންތަން ވާނީ ބާކީ، ނޫނީ ރާއްޖޭގެ ދަނޑު ބިންތައް ދެން އޮންނާނީ ބިދޭސީންގެ އަތްމައްޗަށް ގޮސްފަ."
ނާޒިމް ވިދާޅުވި ގޮތުގައި، އޭނާގެ ވެރިކަމެއްގައި މާލެ ސަރަހައްދަށް މީހުން ޖަމާކޮށް ތޮއްޖެއްސުމެއް ނޯންނާނެއެވެ. އޭގެ ބަދަލުގައި ރާއްޖޭގެ އުތުރާއި ދެކުނުގައި ހަތަރު އާބަން ސެންޓަރު ތަރައްގީކޮށް، އެތަންތަނުގައި ތައުލީމީ މީހުން އާބާދު ކުރާނެ ކަމަށް އޭނާ ވިދާޅުވިއެވެ. ނާޒިމް އިތުރަށް ވިދާޅުވީ އޭނާގެ ވެރިކަމުގައި ތަރައްގީ ކުރާ އާބަން ސެންޓަރުތަކުން، ރާއްޖޭގެ ކޮންމެ ރަށެއްގައި ރަޖިސްޓްރީ ވެފައިވާ މީހެއް ކަމުގައި ވިޔަސް، ގެދޮރު ލިބޭނެ ކަމަށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.