ރައީސް ޞާލިޙް އެހެރީ ކުށްވެރިވެފައި، އޭނާގެ މައްޗަށް ހުކުމް ކުރަންޖެހޭ: ޤާސިމް
ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓު ހުންނެވީ ކުށްވެރިވެފައިކަމަށާއި އެމަނިކުފާނަށް މިއަދު ޙުކުމް ކުރައްވަން ޖެހޭކަމަށް ޖުމްހޫރީ ޕާޓީގެ ލީޑަރު އަދި ރިޔާސީ ކެންޑިޑޭޓު ޤާސިމް އިބްރާހިމް ވިދާޅުވެއްޖެއެވެ.
ކުރިއަށް އޮތް ރިޔާސީ އިންތިޚާބުގެ ކެމްޕޭނަށް މިރޭ ހއ. އިހަވަންދޫއަށް ވަޑައިގެން ޖޭޕީން ބޭއްވި ޖަލްސާގައި ވާހަކަފުޅު ދައްކަވަމުން ޤާސިމް ވިދާޅުވީ މިސަރުކާރުން ވެރިކަން ދަމަހައްޓަން ގެންދަނީ ވޯޓަކަށް 30،000 ރުފިޔާގެ މަގުން ފައިސާ ދެމުން ކަމަށާއި، މިއީ ކަމާއި ބެހޭ ފަރާތްތަކުން ސަމާލުވެ ފިޔަވަޅު އަޅަންޖެހޭ ކަމެކަމަށެވެ.
އަދި މި ސަރުކާރުން ދަނީ ވޯޓު ގަތުމަށް ބޮޑެތި އަދަދުތަކުން ފައިސާ ހުށަހަޅަމުން ކަމަށާއ ކޮންމެ ވޯޓަކަށް، 20،000 ރުފިޔާއާއި 30،000 ރުފިޔާގެ ދޭތެރޭ އަދަދަކަށް ވޯޓު ގަންނަން ފައިސާ ހުށަހަޅަމުންދާކަމަށް ޤާސިމް ތުހުމަތުކުރެއްވިއެވެ.
މީގެ އިތުރުން ރައީސް ޞާލިޙުގެ މި ހިނގަމުންދާ ދައުރު ނިންމަވާފައި ގެއަށް ވަޑައިގެންނެވިޔަސް، ބޭސްފަރުވާއާއި ސެކިއުރިޓީއާއި ނުލައި އެކަނިވެސް ހަތަރު ލައްކައެއްހާ ރުފިޔާ ކޮންމެ މަހަކު އިނާޔަތުގެ ގޮތުގައި ލިބިވަޑައިގަންނަވާކަމަށް ޤާސިމް ވިދާޅުވިއެވެ.
""މަދުތޯ އެ ވަރު؟ ކޮން ކަމެއްތޯ ކުރީ. ފަނާ ކުރުން ފިޔަވައި. ދައުލަތުގެ ލާރި ދިނުމާއި އަނެއްކޮޅުން ގާނޫނުއަސާސީއާ ހިލާފަށް ކަންތައް ކުރީ. މިހާރު އެ ހުރީ ކަނޑައެޅިގެން ކުށްވެރިވެފައި އޭނަ. އޭނާގެ މައްޗަށް ހުކުމް ކުރަން ޖެހޭނެ މިއަދު" ޤާސިމް ވިދާޅުވިއެވެ.
މި ސަރުކާރާ އެކީގައި ޖޭޕީން ކޯލިޝަން ހަދައިގެން މަސައްކަތް ކުރެއްވި ނަމަވެސް، ކަންކަން ކުރެއްވުމުގައި މަޝްވަރާ ކުރައްވާފައި ނުވާ ކަމަށް ފާހަގަކުރައްވަމުން ޤާސިމް ވިދާޅުވީ މިވަރުގެ ޣައްދާރު ކަންކަން ކުރެއްވީމަ ރައީސް ޞާލިޙަށް ތާއީދު ކުރެއްވެން ނެތް ކަމަށާއި ރިޔާސީ ރޭހަށް ނުކުންނެވީ ގައުމު އަޅުވެތިކަމުގެ ތެރެއަށްދާތީ "ލަގޮނޑިއަށް" ކެތް ނުވެގެން ކަމަށެވެ.
އަދި މި ރިޔާސީ އިންތިހާބުގައި އެމްޑީޕީ އާއި ޕީޕީއެމާއި ދަ ޑިމޮކްރެޓްސް އަށް ވެސް ވޯޓުލާން ހެޔޮ ނުވާނެ ކަމަށްވެސް ގާސިމް ވިދާޅުވިއެވެ.
"އެއީ ހަމަ އެކައްޗެއް. ބައްލަވާ. އަހިވަކާ ޖެހި އަހިވަކެއް ފާވާނެ އޭ ބުނާހެން. އިބްރާހިމް މުހައްމަދު ސޯލިހް އެ ހުންނެވީ ރައްޔިތުންގެ މަޖިލިހުގައި ތަޅު އަޅުވައިގެން. ގާނޫނުއަސާސީއާ ހިލާފަށް ކަނޑުގެ އެއްބައި ދޫކޮށްލައިފި. ގާނޫނުއަސާސީއާ ހިލާފަށް ބޭރުގެ ސިފައިން ގެނެސްފި. ދައުލަތުން އިންތިހާ ދަރަޖައިގެ ކޮރަޕްޝަން ފައިބައިގެންދާ ތަން ތިޔަބޭފުޅުންނަށް ފެނިވަޑައިގަންނަވާނެ. ކޮން ތަނަކުން ހޯދާ ފައިސާއެއްތޯ ވޯޓަކަށް 20،000ރ. އަޅާލަނީ؟" ޤާސިމް ވިދާޅުވިއެވެ.
ހަމައެއާއެކު، އެއްޗެއްގައި ހިފިޔަސް ހިފަން ވާނީ ރަނގަޅު ގޮތުގައި ކަމަށާއި އެމީހެއްގެ އެއްޗެއްގައި އެމީހަކު ހިފުމަކީ މައްސަލައެއް ނޫން ކަމަށް ފާހަގަކުރައްވަމުން ޤާސިމް ވިދާޅުވީ "އެމީހުން އެ ބަހަނީ" ރައްޔިތުންގެ ފައިސާ ނަމަ، އޭގައި ހިފުމަކީ މައްސަލައެއް ނޫންކަމަށެވެ.
ބުރުމާނޫނި ނެށް އުޅިއުޅި ބަލިންވެސް ރައީސްކަންނުލިބުނު މީހެއް މިވަރުން އުޅިގެންވެސް. ހިއެއްނުވޭ ތިކަންވާނެހެންނެށް. ބޭކާރުވާހަކަދައްކަން ޕޯޑިއަމްގަހުރުންތީ ގޯހެއް ބުރުމާ. އެހެންމީހުންގެ މަސްކެވޭނީ، ބޭޒާރުކޮށް، ކަލަގޮވާ، ދޮގުވާހަކަ ފަތުރާ ހަޑިކަންކަން ތިކުރެވެނީދެން
ތިޔަޅާޔަށް ތިޔަހެރީ ވެރިކަންކުރެވިފަ ހިބަރު