Tuesday, 17 November 2026
Advertisement
MWSC — SmartMeter (leaderboard)
ސިޔާސީ

ޤާސިމްގެ ކެމްޕޭން ނިންމަވާލައްވަން ހަމަޖެހިފައިވަނީ ހިނގާލުމަކުން، ވަރަށް މުހިންމު ތަޤްރީރެއްވެސް ދެއްވާނެ: އަލީ ވަހީދު

ޤާސިމްގެ ކެމްޕޭން ނިންމަވާލައްވަން ހަމަޖެހިފައިވަނީ ހިނގާލުމަކުން، ވަރަށް މުހިންމު ތަޤްރީރެއްވެސް ދެއްވާނެ: އަލީ ވަހީދު

ޖުމްހޫރީ ޕާޓީގެ ރިޔާސީ ކެންޑިޑޭޓު ޤާސިމް އިބްރާހީމްގެ ކެމްޕޭންގެ އެންމެ ފަހު ހަރަކާތެއްގެ ގޮތުގައި މިއަދު އޮންނާނީ ހިނގާލުމެއްކަމަށާއި އެ ހަރަކާތުގައި ޤާސިމް ވަރަށް މުހިންމު ތަޤްރީރެއް ދެއްވާނެކަމަށް އެ ޕާޓީގެ ރިޔާސީ ކެންޑިޑޭޓުގެ އިންތިޚާބީ އެޖެންޓު އަދި މި ސަރުކާރުގެ ކުރީގެ ޓޫރިޒަމް މިނިސްޓަރު އަލީ ވަހީދު ފާޑު ވިދާޅުވެއްޖެއެވެ.

އަލީ ވަހީދު މިއަދު ކުރެއްވި ޓްވީޓެއްގައި ވިދާޅުވީ މިއަދު ހަވީރު ބާއްވާ އެ ހިނގާލުން ފެށޭނީ އާޓިފިޝަލް ބީޗް ސަރަހައްދުން ކަމަށާއި މަޖީދީ މަގުން ވަޑައިގެން އައިސް 6 ޖަހަންވާއިރަށް އެ ހިނގާލުން ނިންމާލާނީ ކުނޫޒު ކައިރިއަށްކަމަށެވެ.

https://twitter.com/JPSecretariat/status/1700076272284733502

Advertisement
Allied — Dhen Online (box)

މި ހިނގާލުމުގައި މަޖީދީ މަގުގެ ތިން ސަރަހައްދެއްގައި އެ ޕާޓީން މަޑުކުރައްވަން ހަމަޖެހިފައިވާއިރު އެ ޕާޓީގެ ލީޑަރު ދިވެހި ގައުމާ މުހާތަބްކޮށް މި އިންތިހާބުގަ ދެއްވާ ފަހު ސްޕީޗް ދެއްވާނެކަމަށް ފާހަގަކުރައްވަމުން އަލީ ވަހީދު ވަނީ ޤާސިމަށް ހެޔޮއެދިލައްވާ ހުރިހާ ފަރާތްތަކުން އެ ސުލްހަވެރި ހިނގާލުމުގައި ޤާސިމް މިގައުމަށް މިކޮށްދެއްވި އަގުހުރި ހިދުމަތުގެ އަގުވަޒަން ކުރައްވުމަށް އެ ހިނގާލުމުގައި ބައިވެރިވެވަޑައިގެންނެވުމަށް އެދިވަޑައިގަންނަވާފައެވެ.

އަދި މިއަދު ޤާސިމް ދެއްވާނީ އެމަނިކުފާނު ދެއްވާނެ އެންމެ މުހިންމު އެއް ތަޤްރީރުކަމަށްވެސް އަލީ ވަހީދު ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.