ކޯލިޝަން ހަދަން ޑރ. މުއިއްޒު އާއި ރައީސް ޞާލިޙް ގުޅައިފި: ފާރިސް

ރިޔާސީ އިންތިޚާބުގެ ދެވަނަ ބުރުގައި އެކުގައި މަސައްކަތް ކުރެއްވުމަށް އެދި އެމްޑީޕީގެ ރިޔާސީ ކެންޑިޑޭޓު ރައީސް އިބްރާހިމް މުޙައްމަދު ޞާލިޙުއާއި ޕީއެންސީގެ ކެންޑިޑޭޓު ޑރ. މުޙައްމަދު މުއިއްޒު ގުޅުއްވައިފިކަމަށް ރިޔާސީ އިންތިހާބުގައި އަމިއްލަ ގޮތުން ވާދަކުރެއްވި އަހްމަދު ފާރިސް މައުމޫން ވިދާޅުވެއްޖެއެވެ.

Ads by Sosun Fihaara

ރައީސް ޞާލިޙްއާއި މުއިއްޒު ފާރިސްއަށް ގުޅުއްވާފައިވާތީ އެކަން ޙިއްސާކުރައްވަމުން ފާރިސް މިއަދު ކުރެއްވި ޓްވީޓެއްގައި ވިދާޅުވީ އެބޭފުޅާގެ މެނިފެސްޓޯގައި އިއުލާންކޮށްފައިވާ ގޮތަށް މަޤާމްތައް އަލުން ކިޔުއްވައިދެއްވާނެކަމަށާއި އެކަމުގައި ނިންމާ ގޮތެއް ރައްޔިތުންނާއި ޙިއްސާކުރައްވާނެކަމަށެވެ.

FYI we have been contacted by both President Solih and Mayor Muizzu with a view to working together in the second round.
We will be restating our positions as announced in the manifesto.
No decision has been made - I will make an announcement to the public

— faris 🇲🇻 🇵🇸 (@afarismaumoon) September 11, 2023

އަމިއްލަ ގޮތުން ވާދަކުރެއްވި ފާރިސް މައުމޫނަށް ލިބިވަޑައިގަތީ 3004 (%1.37) ވޯޓެވެ.

ރިޔާސީ އިންތިހާބު ދެވަނަ ބުރަކަށް ގޮސްފައިވާއިރު، ދެވަނަ ބުރުގައި ވާދަ ކުރައްވާނީ، ޕީއެންސީގެ ރިޔާސީ ކެންޑިޑޭޓް، ޑރ.މުހައްމަދު މުއިއްޒު އާއި އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހީމް މުހައްމަދު ސޯލިހުއެވެ. ދެވަނަ ބުރުގެ ވޯޓުލުން އޮންނާނީ، މި މަހުގެ 30 ވަނަ ދުވަހުއެވެ.