އަޅުގަނޑު ގައިގައި ހިނގަނީ ޤައުމީ ލޭ, ޤައުމުގެ މިނިވަންކަން ގެއްލޭތަން ބަލަން ތިބެވޭކަށް ނެތް: ނާޒިމް
ގައިގައި ހިނގަނީ ޤައުމީ ލޭ ކަމަށާއި ޤައުމުގެ މިނިވަންކަން ގެއްލޭތަން ބަލަން ތިބެވޭކަށް ނެތް ކަމަށް މޯލްޑިވްސް ނެޝަނަލް ޕާޓީ (އެމްއެންޕީ) ގެ ރައީސް، އަދި ރައްޔިތުންގެ މަޖިލީހުގެ ދަނގެތި ދާއިރާގެ މެމްބަރު މުހައްމަދު ނާޒިމް ވިދާޅުވެއްޖެއެވެ.
ރިޔާސީ އިންތިހާބުގެ ކެންޕެއިނަށް ޕީއެންސީގެ ރިޔާސީ ކެންޑިޑޭޓް, ޑރ. މުޙައްމަދު މުޢިއްޒާއެކު ވަޑައިގެން ބޭއްވި ޖަލްސާގައި ވާހަކަފުޅުދައްކަވަމުން ނާޒިމް ވިދާޅުވީ ރާއްޖޭގެ އިގްތިސާދުގެ މައްޗަށް އަތް ގަދަ ކުރުމަށްޓަކާ ކެނޑިނޭޅި އެހެން ގައުމަކުން މަސައްކަތް ކުރަމުން ގެންދާ ކަމަށެވެ.
އެކަމުން ދިވެހިންނަށް އަރައިގެނެވެން އޮތީ އަމިއްލަ މަންފާއާއި، މަސްލަހަތުގެ ބަދަލުގައި ގައުމު އިސް ކުރާނެ ބަޔަކަށް ކަމަށާއި އެކަން ކޮށްދެވޭނީ ޑރ. މުޢިއްޒަށް ކަމަށް ނާޒިމް ވިދާޅުވުވިއެވެ.
ނާޒިމް ވިދާޅުވީ ދިވެހި ރައްޔިތުން ކުރިއެރުވޭނީ ފުދުންތެރި ބަޔަކަށް ހަދައިގެން ކަމަށާއި ކޮންމެ އާއިލާއަކާއި ވަކިން ބައްދަލުކޮށް ވާހަކަ ދެއްކުމުން، ކޮންމެ މީހަކު ވެސް އުޅެން ޖެހިފައިވާ ނިކަމެތި ހާލަތު އެނގިގެންދާކަމަށް ނާޒިމް ވިދާޅުވިއެވެ.
އަދި ގައުމު އެންމެންނަށް ވެސް މުހިންމު ވާނެ ކަމަށާއި ގައުމު ސަލާމަތްކުރަން ބޭނުންވާ ނަމަ މުޢިއްޒަށް ވޯޓުދޭން ޖެހޭ ކަމަށް ނާޒިމް ވިދާޅުވިއެވެ.
އެކަމަކު ބޮޑަށް ވައްތަރީ ކޮރޮޕްޓް ލޭ ހުރިކަމަށް.