ރައީީސް ޞާލިޙު ފަސޭހަކަމާއިއެކު މި ބުރު ކާމިޔާބު ކުރައްވާނެ: ޢަލީ ޒާހިރު

މި މަހުގެ 30 ވަނަ ދުވަހު ބާއްވާ ރިޔާސީ އިންތިހާބުގެ ދެވަނަ ބުރު، އެމްޑީޕީގެ ރިޔާސީ ކެންޑިޑޭޓް، ރައީސް އިބްރާހީމް މުޙައްމަދު ޞާލިޙު، ވަރަށް ފަސޭހަކަމާއިއެކު ކާމިޔާބު ކުރައްވާނެ ކަމަށް ރައީސް އޮފީހުގެ ޗީފް އޮފް ސްޓާފް ޢަލީ ޒާހިރު ވިދާޅުވެއްޖެއެވެ.

Ads by Sosun Fihaara

ޢަލީ ޒާހިރު ކުރެއްވި ޓްވީޓެއްގައި ވިދާޅުވެފައިވަނީ އަނިޔާވެރިކަން އިޔާދަވާން ދިވެހިން ފުރުސަތު ނުދޭނެ ކަމަށާއި، އެކަންކަން ހަނދާން ނެތޭހާ ދުވަސް އަދި ނުވާކަމަށެވެ.

"މިފަހަރު ޓަރންއައުޓް މަތިވާނެ، އިރާދަކުރެއްވިއްޔާ ކެންޑިޑޭޓް ނަންބަރު 3 ފަސޭހަ ކަމާއިއެކު  މިބުރު ކާމިޔާބު ކުރައްވާނެ" ޢަލީ ޒާހިރު ވިދާޅުވިއެވެ.

މި މަހުގެ 9 ‏ވަނަ ދުވަހު ބޭއްވި ރިޔާސީ އިންތިހާބުގެ ފުރަތަމަ ބުރުގައި ރައީސް ޞާލިޙަށް 40 ‏‏އިންސައްތަ ވޯޓު ވެސް ލިބިވަޑައިގެންފައި ނުވާއިރު، ފުރަތަމަ ބުރުން ކުރި ހޯއްދެވި، ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު އަށް ލައްކަ އަކަށްވުރެ ގިނަ ވޯޓު ލިބިވަޑައިގެންނެވިއެވެ.