މިއަދު ހަވީރު، މުޢިއްޒު އެމްޕީއެލް ސަރަހައްދަށް ވަޑައިގަންނަވަނީ

އިދިކޮޅު ރިޔާސީ ކެންޑިޑޭޓް، ޑރ. މުޙައްމަދު މުޢިއްޒު މިއަދު ހަވީރު އެމްޕީއެލް ސަރަޙައްދަށް ވަޑައިން އެ ސަރަހައްދުގައި މަސައްކަތް ކުރައްވާ ބޭފުޅުންނާއި ބައްދަލުކުރައްވަން ހަމަޖެހިއްޖެއެވެ.
މުޢިއްޒު މި ބައްދަލުކުރެއްވުމަށް ވަޑައިގަންނަވާނީ، ހަވީރު، 4:30 އަށް ކަމަށް ޕީޕީއެމް/ޕީއެންސީ އިން ބުނެއެވެ.
މީގެ އިތުރުން މާލޭގައި ގާއިމްކޮށްފައިވާ ދެ ޖަގަހައެއް ރަސްމީކޮށް ހުޅުވުމުގެ ރަސްމިއްޔާތު މިއަދު ހަވީރު، ކުރިއަށް ގެންދިއުމަށް ވަނީ ހަމަޖެހިފައެވެ.
ޕީޕީއެމް/ޕީއެންސީ އިން ބުނިގޮތުގައި، ޖަގަހަ ހުޅުއްވައިދެއްވާނީ ރިޔާސީ ކެންޑިޑޭޓްގެ ރަނިންމޭޓް ޙުސައިން މުޙައްމަދު ލަޠީފްއެވެ.
އެގޮތުން ހަވީރު 5:00ގައި، ފުވައްމުލައް މެދު ދާއިރާ ޖަގަހަ، "ވަޠަނީ ވިންދު" ހ.ގިއްސާގެ، ރަތްވިލާމަގު. (ޖަނަވަރީމަގު ވެލިގާ ހާރޑްވެއަރ އާއި ޓެޕްކޮން އާ ގުޅޭ ކަންމަތިން އޮތް ގޯޅި) ހުޅުވައިދެއްވާނެއެވެ.
އަދި 5:30ގައި މައްޗަންގޯޅި ދެކުނު ޖަގަހަ ލޮޓަސް ބައިކްޝޮޕް ކައިރި (ނިކަގަސް ހިނގުން ބުރުޒުމަގާއި އިސްކަންދަރު މަގާއި ދޭތެރެ) ހުޅުވުމަށް ވަނީ ހަމަޖެހިފައެވެ.
ރިޔާސީ އިންތިޚާބުގެ ދެވަނަ ބުރުގެ ވޯޓުލުން އޮންނާނީ އަންނަ ހޮނިހިރު ދުވަހުއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.