ރައީީީސް ޞާލިޙަށް ނޫނެކޭ ބުނެ، ރާއްޖޭގެ ވަލިއްޔުލްޢަމްރުކަން ޑރ.މުޢިއްޒުއަށް
ރައީީސް އިބްރާހީމް މުޙައްމަދު ޞާލިޙަށް ނޫނެކޭ ބުނެ، ދިވެހި ރައްޔިތުން ރާއްޖޭގެ ރައީސުލްޖުމްހޫރިއްޔާގެ މަޤާމަށް ޕީއެންސީގެ ރިޔާސީ ކެންޑިޑޭޓް، ޑރ.މުޙައްމަދު މުޢިއްޒު އިންތިޚާބު ކޮށްފިއެވެ.
ރިޔާސި އިންތިޚާބުގެ ދެވަނަ ބުރުގައި މުޅި ރާއްޖެއާއި ރާއްޖެއިން ބޭރުގައި ބަހައްޓައިފައިވާ 586 ވޯޓު ފޮށީގެ ތެރެއިން މިހާތަނަށް 555 ވޯޓު ފޮށި ވަނީ ގުނައި ނިމިފައެވެ.
މާލޭގެ މޭޔަރު، އަދި ހަތް އަހަރު ރާއްޖޭގެ ހައުސިން މިނިސްޓަރަކަށް ހުންނެވި ޑރ.މުޙައްމަދު މުޢިއްޒަށް ލިބިވަޑައިގެންފައި ވަނީ 118،381 ވޯޓެވެ.
އެއީ 54 އިންސައްތަ ވޯޓެވެ. އެމްޑީޕީން ވާދަކުރެއްވި ރައީސް އިބްރާހީމް މުޙައްމަދު ޞާލިޙަށް ލިބިވަޑައިގެންފައިވަނީ 100،790 ވޯޓެވެ. އެއީ 45.9 އިންސައްތަ ވޯޓެވެ.
ރައީސް ޞާލިޙު ކެމްޕެއިނުގައި އެންމެ ބޮޑަށް ވިއްކެވީ އަމާންކަމާއި ހަމަޖެހުން ގެނެސްދެއްވާނެ ކަމާއި، އަނިޔާވެރިކަމަށް އެނބުރިދާން ބޭނުން ނުވާންވީ ވާހަކައެވެ.
މުޢިއްޒުގެ މައިގަނޑު ވަޢުދަކަށްވީ، މިނިވަންކަން ދިފާޢު ކުރައްވައި، ދެ ފުށް ފެންނަ ސަރުކާރެއް ޤާއިމު ކުރުމެވެ.
އަދި ގެދޮރުވެރިކަމުގެ ސިޔާސަތު އިސްކުރައްވައި، އެމަނިކުފާނުގެ ވެރިކަމުގެ ފަސް އަހަރު ނިމޭއިރު، ރާއްޖޭގެ ހުރިހައި ރައްޔިތުން ގެދޮރުވެރި ކުރުވާނެ ކަމަށް މެނިފެސްޓޯގައި ވަނީ ހިމަނުއްވައިފައެވެ.
ރައީީސް ޞާލިޙަށް އެމްޑީޕީގެ ރޫޙު ވަރުގަދަކޮށް، މީގެ ކުރިން ފެނުނު ރަށްތަކުން ވެސް ނޫނެކޭ ބުނިއިރު، މުޢިއްޒު ވެވަޑައިގެންފައި މިވަނީ، ރިޔާސީ އިންތިޚާބެއްގައި ފުރަތަމަ ބުރާއި ދެވަނަ ބުރު ވެސް ކާމިޔާބު ކުރެއްވި ކެންޑިޑޭޓަށެވެ. މިއީ ތާރީޚީ މޮޅެކެވެ.
އިދިކޮޅު ލީޑަރު، ރައީސް ޔާމީން ޢަބްދުލްޤައްޔޫމް 1،000އަށްވުރެ ގިނަ ދުވަސް ޖަލުގައި ހުންނެވުން "އޯކޭ" ނޫން ކަމަށާއި، ރާއްޖޭގައި ބިދޭސީ ސިފައިން ތިބުމާއި، ބޮޑެތި މަޝްރޫޢުތައް ފިނިހަކަ ދުވެލީގައި ކުރިއަށް ދާތަން ފެނުމުން، ރައީސް ޞާލިޙު ނޫން ގޮތެއް ބޭނުންވެއްޖެކަން ރައްޔިތުން ބުނެދީފިއެވެ.
މީގެ އިތުރުން، ފަހު ވަގުތު ހިންގާ މަޝްރޫޢުތަކާއި، ވެވަޑައިގަންނަވާ ވަޢުދުތަކަށް ރައްޔިތުން ނުހެއްލޭނެކަން ވެސް، މި އަހަރުގެ ރިޔާސީ އިންތިޚާބުގައި ރައްޔިތުން ބުނެދީފިއެވެ.
ކޮންމެ ސަރުކަަރެއްވެސް އައުމުގެ ކުރިން ތިހެން ސަނާ ކިޔާނެ. ދުވަސް ކޮޅެއް ނުވަނީސް ގުއި ވާނެ.
“ވަލިއްޔުލްޢަމްރު” އެއް ނޫން ކިޔަނީ. “ވަލިއްޔުލްއަމްރު”ކިޔަނީ. “އަމްރު” (އަލިފުގައި ތިކި ނުޖަހާ) ލިޔަންޖެހޭނީ. އެތަނުގައި އޮންނާނީ ع އެއް ނޫން. އަލިފެއް އޮންނާނީ. “ولي الامر” މިހެން ޢަރަބި އަކުރުން އެ ލަފުޒު ލިޔެފައި އޮންނާނީ.