ހުޅުމާލޭ މެދު ދާއިރާއަށް ސަފާތު ކުރިމަތިލައްވަނީ
އަންނަ އަހަރު އޮންނަ ރައްޔިތުންގެ މަޖިލީހުގެ އިންތިޚާބުގައި ވިމެން އެންޑް ޑިމޮކްރަސީ ޖަމިއްޔާގެ ބާނީ ސަފާތު އަޙްމަަދު ޒާހިރު ހުޅުމާލޭ މެދު ދާއިރާއަށް ކުރިމަތިލައްވަން ނިންމައިފިއެވެ.
އަންނަ ދައުރުގައި މަޖިލީހަށް އިންތިހާބު ކުރަން ޖެހޭ ގޮނޑީގެ އަދަދަކީ 93އެވެ. މި ދައުރުގެ މަޖިލީހުގައިވާ ގޮނޑީގެ އަދަދަކީ 87އެވެ. ހުޅުމާލޭ މެދު ދާއިރާއަކީ އަލަށް މަޖިލީހަށް އިތުރުވި ގޮނޑިއެކެވެ.
މިއަދު ކުރެއްވި ޓްވީޓެއްގައި ސަފާތު ވިދާޅުވީ, މަޖިލީހަށް ކުރިމަތިލައްވަން ނިންމެވީ, ހުޅުމާލެ މެދު ދާއިރާގެ ގިނަ ރައްޔިތުންނާއި ބައްދަލުކުރުމަށް ފަހު، ދާއިރާގެ ލޮބުވެތި ރައްޔިތުން އަދި ވަކިން ހާއްސަކޮށް އަންހެނުންނާއި ޒުވާނުންނާއި މަޝްވަރާކުރުމަށްފަހުގައި ކަމަށެވެ.
ސަފާތުއަކީ މިހާރު ފޮރިން މިނިސްޓްރީގައި ކޮމިއުނިކޭޝަން ސްޓްރެޖިސްޓެއްގެ ގޮތުގައްޔާއި, އެތަނުގެ ތަރުޖަމާނެއްގެ ގޮތުގައި މަސައްކަތް ކުރަމުން އަންނަ ފަރާތެކެވެ. އަދި ކޮމަންވެލްތު ފައުންޑޭޝަނުން އެކުލަވައިލާ މަދަނީ ޖަމިއްޔާތަކާއިބެހޭ ހާއްސަ ބޯޑުން އޭޝިޔާ ތަމްސީލުކޮށްދޭ ގަވަރުނަރުގެ ގޮތުގައި މިއަހަރު ޖޫން މަހު އޭނާ ވަނީ އައްޔަން ކުރެވިފައެވެ.
އަންނަ އަހަރުގެ ތެރޭގައި މަޖިލީހުގެ އިންތިޚާބު ބާއްވާނެކަން އިލެކްޝަން ކޮމިޝަނުން ހާމަކޮށްފައިވީނަމަވެސް, އިންތިޚާބު ބާއްވާނެ ވަކި ތާރީޚެއް އިއުލާންކޮށްފައެއް ނުވެއެވެ. މި އިންތިޚާބުގެ ކެންޕެއިން މިހާރު ފެށިގެން ކުރިޔަށްދާއިރު, އިންތިޚާބުގެ ކުރިން އެތެރޭގެ ޕްރައިމަރީއެއް ޕާޓީތަކުން ބާއްވާނެއެވެ.
އެމް.ޑީ.ޕީ. އަންހެނުންގެ ރޫޙުގެ ރައީސާއަކަށް ކުރިމަތިލީ ސަރުކާރުގެ މަތީ މަޤާމެއްގެ އުންމީދުގައި. އެކަން ޙާސިލުވެއްޖެ. އެކަމަކު ސަރުކާރު ބަދަލުވީމާ އެމަޤާމު ގެއްލޭނެތީ މިހާރު އަނެއްކާ އަނެއް މަޤާމަށް ފައިނެގީ.
ރޮޒައިނާއެކޭ ސަފާތުއެކޭ މާބޮޑު ތަފާތެއްނެތް. އެމް.ޑީ.ޕީގެ މިފަދަ އެންމެނަށް ހުޅުމާލޭ ރައްޔިތުން ވޯޓުު ދީފާނެ ކަމާ ދޭތެރޭ ވަރަށް ބޮޑަށް ޝައްކު. 19 ވަނަ މަޖިލީހުގެ ސުޕަ މެޖޯރިޓީ ދިނީމާ ނެރެދެވުނު ނަތީޖާއެއްނެތް ބަޔަކަށް ދެން އޮންނަ މަޖިލީހަކުން ގޮނޑި ދީގެން ނުވާނެ.
ތިދާއިރާއަށް މިފަހަރު ސާފުތާހިރުވެސް ކުރިމަތިލަޔޯ!
ޢެމްޑީޕީ ދޯ؟ ބޭބެ ސަލާން