މަކުނުދޫގައި ބާރުގަދަ ގޮވުމެއް ގޮވައި މަރުވި ދެ މީހުންގެ ހަށިގަނޑު ޢާއިލާއާ ޙަވާލުކޮށްފި
ހދ. މަކުނޫދޫގައި ނަރުދަމާގެ މަސައްކަތްކުރަމުން ދިޔަ ސައިޓެއްގައި ބާރުގަދަ އެއްޗެއް ގޮވައި މަރުވި ދެމީހުންގެ ހަށިގަނޑުގެ ބައިތައް ޢާއިލާއާއި ޙަވާލުކޮށްފައިވާކަމަށް ފުލުހުން ވިދާޅުވެއްޖެއެވެ.
މިކަން ހާމަކޮށް ފުލުހުން ވިދާޅުވީ، އިއްޔެގެ ވަގުތެއްގައި އެ ދެ ހަށިގަނޑު އިންޑިއާއަށް ފޮނުވާފައިވާކަމަށާއި މިހާރު ހަށިގަނޑުތައް އާއިލާއާއި ޙަވާލު ކުރެވިފައިވާކަމަށެވެ.
މި ހާދިސާގައި މަރުވި ދެ މީހުންނަކީ މަކުނުދޫގައި އެއާޕޯޓް އެޅުމަށް ބޭނުންވާ ބިން ހިއްކުމުގެ މަސައްކަތް ކުރުމަށް އެރަށަށް ގޮސް ތިބި ދެ ބިދޭސީންކަމަށްވާއިރު އެ ދެމީހުންގެ ހަށިގަނޑުގެ ބައިތައް ސައިޓުގެ 200 ފޫޓެއްހާ ދުރަށް ބުރައިގެން ދިޔަކަމަށް މަންޒަރު ދުށް މީހުން ބުނެފައިވެއެވެ.
ފާއިތުވި ހޮނިހިރު ދުވަހު ހިނގި މި ޙާދިސާއާއި ގުޅިގެން އެސަރަހައްދު ބަންދުކޮށްގެން އިތުރަށް ބަލަންޖެހޭ ކަންކަން އަދިވެސް ބަލައި ތަޙްޤީޤުކުރަމުން ދާކަމަށް ފުލުހުން ވިދާޅުވިއެވެ.
Ads by STO
