Sunday, 15 November 2026
Advertisement
Ooredoo — Article-Top (leaderboard)
ޚަބަރު

ބޭސް ނަގާއިރު ޑިސްޕެންސިން ކޯޑު ދިނުމުން ނޫނީ ޓްރާންސެކްޝަން ފުރިހަމަނުވާ ގޮތަށް ހަދަނީ

ބޭސް ނަގާއިރު ޑިސްޕެންސިން ކޯޑު ދިނުމުން ނޫނީ ޓްރާންސެކްޝަން ފުރިހަމަނުވާ ގޮތަށް ހަދަނީ

އާސަންދައިގެ ދަށުން ބޭސް ފިހާރަތަކުން ދޫކުރާ ބޭސް ގަންނައިރު، މީގެ ފަހުން ބޭސް ގަންނަ މީހާގެ ފޯނަށް ފޮނުވާ ޑިސްޕެންސިން ކޯޑު ދިނުމުން ނޫނީ އެ ޓްރާންސެކްޝަން ފުރިހަމަ ނުވާގޮތަށް ހެދުމަށް އާސަންދަ ކުންފުނިން ހަމަޖައްސައިފިއެވެ.

ޑިސްޕެންސިން ކޯޑު ޖަހައިގެން މެނުވީ ބޭސް ނުނެގޭ ގޮތައް ހެދީ، ޢާންމުންގެ ފަރާތުން ލިބުނު ޝަކުވާތަކާއި ގުޅިގެންކަމަށް އެ ކުންފުނީގެ މީޑިއާ އޮފިޝަލް އާޝިޔާ ޞާލިހް ވަނީ ވިދާޅުވެފައެވެ. އެގޮތުން މީހަކު ކްލިނިކްއަކަށް ދައްކާފައި އެ ކްލިނިކުގައި ހުންނަ ބޭސް ފިހާރައިން ބޭސް ނުނަގައި އެހެން ތހަނަކުން ބޭސް ނަގަން ދާއިރު، ކްލިނިކުގެ ބޭސް ފިހާރާއިން ބޭސް ނަގާފައި ހުރިކަމަށް ދައްކާކަމަށް އާޝިޔާ ވަނީ ވިދާޅުވެފައެވެ.

މީގެ ކުރިން ބޭސް ފިހާރަތަކުން ބޭސް ދޫކުރުމަށް ހަމައެކަނި ބޭނުންވަނީ ޑޮކްޓަރުގެ ބޭސް ސިޓީ އެކަންޏެވެ.

Advertisement
Allied Insurance — Square (box)

"އެކަމަކު، ބޭސް ނަގަން ދާ މީހާގެ ފޯނަށް ލިބޭ ކޯޑު، ފާމަސިސްޓަށް ދިނުމުން ނޫނީ އާސަންދަ ޓްރާންސެކްޝަން ދެން ފުރިހަމައެއް ނުވާނެ. އެފަދަ ޝަކުވާތައް ލިބެމުންދާތީ އެޅި ފިޔަވަޅެއް މިއީ" އާޝިޔާ ވިދާޅުވިއެވެ.

އާޝިޔާ ވިދާޅުވީ މިހާރުވެސް މާލޭގެ ބައެއް ބޭސް ފިހާރަތަކުގައި މި ފިޔަވަޅު އަޅަން ފެށިތާ ދެތިން ހަފްތާ ވެއްޖެކަމަށެވެ. އަދި ކުރިއަށް އޮތް ތަނުގައި އާސަންދައިން ބޭސް ދޫކުރާ ހުރިހާ ބޭސް ފިހާރަތަކެއްގައި މިކަން ތަންފީޒުކުރާނެކަމަށް އޭނާ ވިދާޅުވިއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.