މުކޭ އާއި އޭނާގެ ދަރިފުޅަށް މަރުގެ އިންޒާރުދީފި
ރޯޑް ޑިވެލޮޕްމެންޓް ކޯޕަރޭޝަންގެ މެނޭޖިން ޑިރެކްޓަރ މޫސާ އަލި މަނިކު (މުކޭ) އާއި އޭނާގެ ދަރިފުޅަށް މީހަކު މަގުމަތިން ދިމާކޮށް މަރުގެ އިންޒާރު ދީފިއެވެ.
މުކޭ އެކްސްގައި ކުރެއްވި ޕޯސްޓެއްގައި އެބޭފުޅާއަށް އިންޒާރުދިން މީހާގެ ފޮޓޯ ޙިއްސާކުރަމުން ވިދާޅުވީ، ދަރިފުޅު ގޮވައިގެން ސައިކަލުގައި ވަޑައިގަންނަވަނިކޮށް އެ ބޭފުޅުންނާއި ދިމާއަށް އަވަގުރާނަ ގޮވައި، މަރުގެ އިންޒާރު ދީފައިވާ ކަމަށެވެ.
މީނާ ވަނީ މިއަދު ހަވީރު އަޅުގަނޑު ދަރިފުޅާއި އެކު ސައިކަލުގައި ދަނިކޮށް އަޅުގަނޑާއި ދަރިފުޅަށް އަވަގުރާނަ ގޮވާ ގަޔަށް އަތްލާ މާރާމާރީ ހިންގާފަ. އަދި ދަރިފުޅާއި އަޅުގަނޑު މަރާލާނެ ކަމަށްބުނެ އިންޒާރުވެސް ދީފަ. މި މައްސަލަ މިހާރު ވާނީ @PoliceMv އަށް ހުށައަޅާފަ. pic.twitter.com/VdJ5si9KBN
— Moosa Ali Manik 🇲🇻 (@VMookey) October 30, 2023
މުކޭ ވިދާޅުވީ އެ މައްސަލަ މިހާރު ފުލުހުންނަށް ހުށަހަޅާފައިވާކަމަށެވެ.
ފުލުހުން ބުނެފައިވަނީ މޫކޭއަށް ހަމަލާދީ މާރާމާރީ ހިންގާ މަރުގެ އިންޒާރުދިން މައްސަލައެއް ރޭގެ ވަގުތެއްގައި ފުލުހުންނަށް ހުށަހަޅާފައިވާ ކަމަށެވެ.
ރައޔިތުންގެ ލާރިކާތީ އެހެން އެވަނީ ރަނގަޅު..