Monday, 16 November 2026
Advertisement
Allied Insurance (leaderboard)
ސިޔާސީ

ޑރ. މުޢިއްޒު ހުވާ ކުރުމުގެ ރަސްމިއްޔާތަށް ހުރަސްއެޅުމުގެ ރޫހެއް ނެތް: އަސްލަމް 

ޑރ. މުޢިއްޒު ހުވާ ކުރުމުގެ ރަސްމިއްޔާތަށް ހުރަސްއެޅުމުގެ ރޫހެއް ނެތް: އަސްލަމް 

އިންތިހާބީ ރައީސް ޑރ. މުހައްމަދު މުއިއްޒު ހުވާ ކުރެއްވުމަށް ބާއްވާ މަޖިލީހުގެ ޖަލްސާއަށް ހުރަސް އެޅުމުގެ ރޫހު އެމްޑީޕީ ޕާލިމެންޓަރީ ގްރޫޕުގައި ނެތްކަމަށް އެމްޑީޕީގެ ޕާލިމެންޓަރީ ގްރޫޕު ލީޑަރު މުހައްމަދު އަސްލަމް ވިދާޅުވެއްޖެއެވެ.

ރައްޔިތުންގެ މަޖިލީހުގައި މިއަދު ކުރިއަށް ގެންދިޔަ ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަށް ޖަވާބު ދެއްވަމުން އަސްލަމް ވިދާޅުވީ އިތުބާރު ނެތް ކަމުގެ މައްސަލަ ކުރިޔަށް ނުގެންގޮސް އެއްވެސް އިތުރު މަސައްކަތެއް ކުރުމަށް ތަން ނުދޭނެ ކަމަށެވެ. އަދި މަޖިލީހުގެ ގަވާއިދުގައި ވެސް އޮންނަނީ އެގޮތަށް ކަމަށް އަސްލަމް ވިދާޅުވިއެވެ.

އަދި އާ ރައިސް ހުވާކުރުމުގެ ޖަލްސާއާ މެދު އަދި ވަކި ގޮތެއް ޕީޖީ ގުރޫޕުން ނިންމާފައި ނުވާކަމަށާއި ނަމަވެސް އެ ޖަލްސާއަށް ހުރަސް އެޅުމުގެ ރޫހު ޕީޖީ ގުރޫޕުގައި ނެތްކަމަށް އަސްލަމް ވިދާޅުވިއެވެ.

Advertisement
HDC — Sidebar (box)

"މަޖިލީހުގެ ގަވާއިދާ ހިލާފަށް ބޭއްވޭ ޖަލްސާއަކަށް , ދެން އެފަދަ ޖަލްސާއަކަށް އަޅުގަނޑުމެން ވަކި ގޮތެއް ނުނިންމަން. އެހެންނަމަވެސް އަޅުގަނޑުމެންގެ ޕާލެމެންޓްރީ ގްރޫޕުގެ ރޫހެއް ނެތް އެފަދަ ޖަލްސާއަކަށް, މަޖިލީހުން ބޭރުގަ ޖަލްސާ ބާއްވަނީ, ދެން އެތަނަށް ގޮއްސަ ހުއްޓުވައި އެފަދަ ކަމެއް ޕާލެމެންޓްރީ ގްރޫޕުން ކުރާނެހެން ހީނުވޭ" އަސްލަމް ވިދާޅުވިއެވެ.

އަސްލަމް މިފަދައިން ވިދާޅުވެފައިވާއިރު ނޮވެންބަރު 17 ވަނަ ދުވަހު މޫސުން ގޯސްނަމަ، އިންތިޚާބީ ރައީސް އާއި އިންތިޚާބީ ނާއިބު ރައީސް ޙުސައިން މުޙައްމަދު ލަތީފް ހުވާކުރައްވާނީ ރައްޔިތުންގެ މަޖިލީހުގައި ކަމަށް އެ އިދާރާއިން މިއަދު ވަނީ ބުނެފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.