ޑިމޮކްރެޓްސްގެ އަންހެން ލީޑަރުަކަމަށް ޙަމްދާ ކުރިމަތިލައްވައިފި
ދަ ޑިމޮކްރެޓްސް ޕާޓީގެ އެތެރޭގެ އިންތިޚާބުގައި އަންހެން ޑިމޮކްރެޓުންގެ ލީޑަރުކަމަށް ޑިމޮކްރެޓްސްގެ ޖަލްސާއަކުން ގިނަ ބައެއްގެ ސަމާލުކަން ހޯދި, ގދ. ތިނަދޫއަށް ނިސްބަތްވާ ފާތިމަތު ޙަމްދާ މުޙައްމަދުގެ ކުރިމަތިލައްވައިފިއެވެ.
ޙަމްދާ އެކަން އިޢުލާނުކުރައްވަމުން މިއަދު ވިދާޅުވީ އޭނާ އެކަމަށް ޝައުގުވެރިކަން ފާޅުކުރެއްވުމުން ރާއްޖޭގެ އެކި ކަންކޮޅުތަކުން އޭނާއަށް ލިބުނު ހިތްވަރުގެ ސަބަބުން އެ މަޤާމަށް ކުރިމަތިލެއްވުމަށް އިތުރު ބުންވަރެއް ލިބުނު ކަމަށާއި މިއަދު އެ މަޤާމަށް ކުރިމަތިލައްވައި ފޯމު ހުށަހަޅުއްވައިފައިވާ ކަމަށެވެ.
ޙަމްދާ ވަނީ، އަންހެނުންނަކީ އެކި ގޮފިތަކަށް ބެހިގެންދާ ތަފާތު ވިސްނުމާއި ހުނަރުގެ ބައެއްކަމަށާއި އަންހެން ޑިމޮކްރެޓުންނަށް އެ ޕާޓީގައި އެކުލަވައިލާ އޮނިގަނޑުގެ ދަށުން އަންހެނުން ބާރުކުރުމުގެ އެކި މަސައްކަތް ކުރައްވާނެ ކަމުގެ ފުރިހަމަ ޔަޤީންކަން އަރުވައިފައެވެ.
ދަ ޑިމޮކްރެޓްސް ޕާޓީގެ ފުރަތަމަ ދައުރުގެ މަޤާމުތަކަށް ކުރިމަތިލުމުގެ ފުރުޞަތު 15 އޮކްޓޫބަރުގައި ހުޅުވާލާފައިވާއިރު، އެ ޕާޓީގެ އަސާސީ ޤަވާއިދުގައި ބަޔާންކުރާ ދާއިމީ މަގާމުފުރާތަކަށް މީހުން އިންތިޚާބުކުރުމަށް ޕާޓީގެ މެންބަރުންގެ މެދުގައި އާންމު އިންތިޚާބުތައް ބާއްވަންޖެހެއެވެ.
ހަމްދާއައް ހުރިހާ މެންބަރުން ވެސްހިތްވަރު ދެއްވާ ހަމްދާއަކީ ފިސާރި ކަބަލެއް ހަމްދާއައް ތިކަންވާނެވެ!