Saturday, 21 November 2026
Advertisement
MWSC — SmartMeter (leaderboard)
ޚަބަރު

ޑިމޮކްރެޓްސްގެ އަންހެން ލީޑަރުަކަމަށް ޙަމްދާ ކުރިމަތިލައްވައިފި

ޑިމޮކްރެޓްސްގެ އަންހެން ލީޑަރުަކަމަށް ޙަމްދާ ކުރިމަތިލައްވައިފި
ދަ ޑިމޮކްރެޓްސް ޕާޓީގެ އެތެރޭގެ އިންތިޚާބުގައި އަންހެން ޑިމޮކްރެޓުންގެ ލީޑަރުކަމަށް ޑިމޮކްރެޓްސްގެ ޖަލްސާއަކުން ގިނަ ބައެއްގެ ސަމާލުކަން ހޯދި, ގދ. ތިނަދޫއަށް ނިސްބަތްވާ ފާތިމަތު ޙަމްދާ މުޙައްމަދުގެ ކުރިމަތިލައްވައިފިއެވެ. ޙަމްދާ އެކަން އިޢުލާނުކުރައްވަމުން މިއަދު ވިދާޅުވީ އޭނާ އެކަމަށް ޝައުގުވެރިކަން ފާޅުކުރެއްވުމުން ރާއްޖޭގެ އެކި ކަންކޮޅުތަކުން އޭނާއަށް ލިބުނު ހިތްވަރުގެ ސަބަބުން އެ މަޤާމަށް ކުރިމަތިލެއްވުމަށް އިތުރު ބުންވަރެއް ލިބުނު ކަމަށާއި މިއަދު އެ މަޤާމަށް ކުރިމަތިލައްވައި ފޯމު ހުށަހަޅުއްވައިފައިވާ ކަމަށެވެ. ޙަމްދާ ވަނީ، އަންހެނުންނަކީ އެކި ގޮފިތަކަށް ބެހިގެންދާ ތަފާތު ވިސްނުމާއި ހުނަރުގެ ބައެއްކަމަށާއި އަންހެން ޑިމޮކްރެޓުންނަށް އެ ޕާޓީގައި އެކުލަވައިލާ އޮނިގަނޑުގެ ދަށުން އަންހެނުން ބާރުކުރުމުގެ އެކި މަސައްކަތް ކުރައްވާނެ ކަމުގެ ފުރިހަމަ ޔަޤީންކަން އަރުވައިފައެވެ. ދަ ޑިމޮކްރެޓްސް ޕާޓީގެ ފުރަތަމަ ދައުރުގެ މަޤާމުތަކަށް ކުރިމަތިލުމުގެ ފުރުޞަތު 15 އޮކްޓޫބަރުގައި ހުޅުވާލާފައިވާއިރު، އެ ޕާޓީގެ އަސާސީ ޤަވާއިދުގައި ބަޔާންކުރާ ދާއިމީ މަގާމުފުރާތަކަށް މީހުން އިންތިޚާބުކުރުމަށް ޕާޓީގެ މެންބަރުންގެ މެދުގައި އާންމު އިންތިޚާބުތައް ބާއްވަންޖެހެއެވެ.
ޑިމޮކްރެޓްސްގެ މަޤާމުތަކަށް ކުރިމަތިލުމުގެ ފުރުޞަތު އެއް މަސް ދުވަހުގެ މުއްދަތަކަށް ހުޅުވައިލައިފައިވާއިރު، އެ މުއްދަތު ހަމަވާނީ އަންނަ ނޮވެންބަރު މަހުގެ 15 ވަނަ ދުވަހަށެވެ.
އެހެންކަމުން 15 ނޮވެންބަރުގެ ނިޔަލަށް އެ ޕާޓީއަށް ވަންނަ ކޮންމެ މީހަކަށްވެސް އެ މަޤާމުތަކަށް ކުރިމަތިލުމުގެ ފުރުޞަތު ހުޅުވިފައިވާކަމަށް ޑިމޮކްރެޓްސްގެ އިޢުލާނުގައި ބަޔާންކޮށްފައިވެއެވެ.
އެ ޕާޓީގެ މަޤާމުތަކަށް ކުރިމަތިލައްވާ ފަރާތްތަކަށް ވޯޓު ލުން ކުރިއަށްގެންދަން ހަމަޖެހިފައިވަނީ 2 ޑިސެންބަރު ގައެވެ.
އަދި 20 ނޮވެންބަރުގެ ނިޔަލަށް އެ ޕާޓީއަށް ވަނުމަށް ފޯމު ހުށަހަޅާ، ޕާޓީ ދަފްތަރުގައި ޖެހޭ މީހުންނަށް އިންތިޚާބުގައި ވޯޓު ލުމުގެ ހައްޤު ލިބިގެންދާނެކަމަށްވެސް ޑިމޮކްރެޓްސްއިން ބުނެފައިވެއެވެ.
ޑިމޮކްރެޓްސް ޕާޓީގެ އެތެރޭގެ އިންތިޚާބުތަކާއި ގުޅޭ މައުލޫމާތު އެ ޕާޓީގެ ވެބްސައިޓުން މިހާރު ލިބެން އެބަހުއްޓެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.