Tuesday, 17 November 2026
Advertisement
Ooredoo — Article-Top (leaderboard)
ސިޔާސީ

މާލެއަށް ތަސައްވުރެއް އެބައޮތް، އިންތިޚާބު ކާމިޔާބު ކުރާނަން: ޙުސައިން

މާލެއަށް ތަސައްވުރެއް އެބައޮތް، އިންތިޚާބު ކާމިޔާބު ކުރާނަން: ޙުސައިން
މާލެ ސިޓީގެ މޭޔަރުގެ މަޤާމަށް ވާދަ ކުރައްވަނީ ތަސައްވުރެއް އޮވެގެން ކަމަށާއި، އިންތިޚާބު ކާމިޔާބު ކުރައްވާނެ ކަމަށް ކުރީގެ ޕޮލިސް ކޮމިޝަނަރު ޙުސައިން ވަހީދު ވިދާޅުވެއްޖެއެވެ. ކުރީގެ ސީޕީ ޙުސައިން ވަނީ މާލޭގެ މޭޔަރު ކަމަށް ވާދަ ކުރައްވާކަން ހާމަކުރައްވައިފައެވެ. އޭނާ ވިދާޅުވީ މި އިންތިޚާބުގައި ވާދަ ކުރައްވަން ޖެހިލުންވެވަޑައިނުގަންނަވާ ކަމަށެވެ.
"އަޅުގަނޑު ޖެހިލުމެއް ނުވޭ، انشاء الله ކާމިޔާބު ކުރާނަން."
އޭނާ އިތުރަށް ވިދާޅުވީ، އޭނާގެ ތަސައްވަރެއް މާލެއަށް އެބައޮތް ކަމަށާއި، ވަރަށް ހިތްދަތި ވާހަކަތައް ބައްދަލުވި ގިނަބަޔަކު ވަނީ ކިޔާދީފައި ކަމަށެވެ.
"އަޅުގަނޑުގެ ހުރިހާ ވަގުތެއް ހޭދަކުރާނީ މާލޭގައި ދިރިއުޅޭ ރައްޔިތުންގެ ދަތިތައް ލުއިކޮށްދިނުމަށް ކުރެވެން ހުރި ކަންކަން ކުރުމުގައި. ގިނަ ބަޔަކު ސުވާލު ކުރަމުންދާތީ ދަންނަވާލީ. ހޮއްވަވާ ދެއްވާ." އޭނާ އިތުރަށް ވިދާޅުވިއެވެ.
އޭނާ މިހެން ވިދާޅުވިއިރު، ޕީޕީއެމް/ޕީއެންސީގެ ޓިކެޓުގައި، އާޒިމާ ޝަކޫރު ވަނީ މާލެ ސިޓީގެ މޭޔަރު ކަމަށް ވާދަ ކުރައްވާނެކަން އިޢުލާނު ކުރައްވައިފައެވެ. ހުސައިން ވަހީދު ވަނީ ކުރީގެ ރައީސް ޔާމީން ޢަބްދުލްޤައްޔޫމްގެ ވެރިކަމުގައި ކޮމިޝަނާ އޮފް ޕޮލިސްގެ މަޤާމާއި ހައުސިން މިނިސްޓްރީގެ ޑެޕިއުޓީ މިނިސްޓަރުގެ މަޤާމު ވެސް އަދާކުރައްވައިފައެވެ. އޭނާ ވަނީ ޗެނަލް13ގައި ވެސް އިސް މަޤާމެއްގައި އުޅުއްވައިފައެވެ. ި

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.