Tuesday, 17 November 2026
Advertisement
STO — McCoy (leaderboard)
ސިޔާސީ

މުޢިއްޒު ހުވާ ކުރައްވާ ރަސްމިއްޔާތުގައި ބައިވެރިވެވަޑައިގަތުމަށް ލަންކާގެ ރައީސް ވަޑައިގެންފި

މުޢިއްޒު ހުވާ ކުރައްވާ ރަސްމިއްޔާތުގައި ބައިވެރިވެވަޑައިގަތުމަށް ލަންކާގެ ރައީސް ވަޑައިގެންފި

އިންތިޚާބީ ރައީސް ޑރ.މުޙައްމަދު މުޢިއްޒު ހުވާ ކުރައްވާ ރަސްމިއްޔާތުގައި ބައިވެރިވެވަޑައިގަތުމަށް ސްރީލަންކާގެ ރައީީސް ރަނިލް ވިކްރަމަސިންހަ ރާއްޖެ ވަޑައިގަންނަވައިފިއެވެ.

ވެލާނާ އިންޓަރނޭޝަނަލް އެއާޕޯޓުން ރަނިލްއަށް މަރުޙަބާ ދެންނެވީ ފޮރިން މިނިސްޓަރު ޝާހިދު އާއި، އައު ސަރުކާރުގައި އެ މަޤާމާއި ޙަވާލުވެވަޑައިގަންނަވާނެ މޫސާ ޒަމީރެވެ. ‏އެކްސްގައި ކުރެއްވި ޕޯސްޓެއްގައި ޝާހިދު ވިދާޅުވީ ސްރީ ލަންކާގެ ރައީސް، ހިޒް އެކްސެލެންސީ ރަނިލް ވިކްރަމަސިންހަ ރާއްޖެއަށް ވަޑައިގެންނެވުމުން އެމަނިކުފާނަށް މަރުޙަބާ ދެންނެވުމަކީ އޭނާ އަށް ލިބުނު އުފަލެއް އަދި ޝަރަފެއް ކަމަށެވެ.
"ރައީސް ވިކްރަމަސިންހަ އާއި ސްރީލަންކާގެ ރައްޔިތުންނަކީ ރާއްޖޭގެ ދެގޮތެއް ނުވާ އެކުވެރިން. އަދި ޑިމޮކްރަސީގެ މަގުގައި ރާއްޖެއަށް އެންމެ ބޮޑަށް ތާއީދުކުރި އެއް ބައިވެރިޔާ. އިންތިޚާބީ ރައީސްގެ ހުވާ ކުރުމުގެ ރަސްމިއްޔާތުގައި ބައިވެރިވެވަޑައިގަތުމަށް ރައީސް ވިކްރަމަސިންހަ ކުރައްވާ މިދަތުރުފުޅަކީ ދެޤައުމު ގެ ދެމެދުގައި އޮތް ގުޅުމުގެ ވަރުގަދަކަމުގެ ރަމްޒެއް." ޝާހިދު ވިދާޅުވިއެވެ.
ރައީސް މުޢިއްޒު ހުވާ ކުރެއްވުމުގެ ރަސްމިއްޔާތުގައި އިންޑިއާގެ ވަޒީރަކާއި، ޗައިނާގެ ރައީސް ޝީ ޖިންޕިންގ ގެ ޚާއްޞަ މަންދޫބަކާއި، އެމެރިކާގެ ރައީސް ޖޯ ބައިޑެންގެ ފަރާތުން ޚާއްޞަ ވަފުދެއް ވެސް ބައިވެރިވެވަޑައިގަންނަވާނެއެވެ. އިންތިޚާބީ ރައީސް އާއި، ނައިބު ރައީސް ޙުސައިން މުޙައްމަދު ލަޠީފު ހުވާ ކުރައްވަވާނީ، މާދަމާ ހަވީރު 04:45ގައި، ޖުމްހޫރީ މައިދާނުގައެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.