އެނބުރި އަންނާނަން, މަރުވެގެންދާނީ ދިވެހި ފަސްގަނޑުގައި: އަދީބު
އެމްއެމްޕީއާރުސީ ހިޔާނާތުގެ ޖަލު ހުކުމް ތަންފީޒު ކުރައްވަމުން ގެންދަވަނިކޮށް، ކުރީގެ ރައީސް އިބްރާހިމް މުހައްމަދު ޞާލިޙް ހުކުމް ލުއިކުރުމާ އެކު އަހުމަދު އަދީބުގެ ދިރިއުޅުން ސިންގަޕޯއަށް ބަދަލު ކުރުމަށް ނިންމާފައިވާ ކަމަށް ދެކެވޭ ވާހަކަތައް އޭނާ ދޮގުކޮށްފިއެވެ.
ބައެއް ނޫސްތަކުގެ ރިޕޯޓުކޮށްފައިވާ ގޮތުގައި އަދީބު އުމްރާއެއް ކުރެއްވުމަށްފަހު ދިރިއުޅުން ސިންގަޕޫރަށް ބަދަލު ކުރައްވަން ވަނީ ނިންމާފައެވެ. އަދި މިހާރު އަދީބު ހުންނެވީ ސިންގަޕޫރުގައި ކަމަށްވެސް ރިޕޯޓްކޮށްފައިވެއެވެ.
މި ވާހަކަތައް ދޮގުކުރައްވާ އެކްސްގައި ކުރެއްވި ޕޯސްޓެއްގައި އަދީބު ވިދާޅުވީ ސިންގަޕޫރުގައި ހުންނެވީ ބޭސްފަރުވާގެ ބޭނުމަކަށް ކަމަށެވެ. އަދި އެކަން ފުރިހަމަ ވުމުން އެނބުރި ރާއްޖެ ވަޑައިގަންނަވާނެ ކަމަށް އަދީބު ވިދާޅުވިއެވެ.
އަދި އަލުން އަނބުރާ ރާއްޖެ ވަޑައިގަންނަވާނެ ކަމަށާއި ކުރިޔަށްހުރި މަސައްކަތްތައް ވެސް ކުރައްވާނީ ރާއްޖެ ވަޑައިގަތުމަށް ފަހު ކަމަށް އަދީބު ވިދާޅުވިއެވެ.
"އަޅުގަނޑުގެ ވަތަނަށް އެނބުރި ދާނަން، އެ ތަނުގައި އަޅުގަނޑުގެ ދެން ހުރި މަސައްކަތްތައް ވެސް ކުރާނީ، އަދި އެ ފަސްގަނޑުގައި އަޅުގަނޑުގެ ހަށިގަނޑު ވަޅުުލާނީ ވެސް،" އަދީބު ވިދާޅުވިއެވެ.
އެމްއެމްޕީއާރްސީގެ ޚިޔާނާތް ހިންގުމުގައި އިސްކޮށް ހުންނެވި އަދީބުގެ މައްޗަށް 7 ދައުުވާއެއް އުފުލިއެވެ. އެ ދައުވާތައް ސާބިތުވުމުން 20 އަހަރުގެ ޖަލު ހުކުމެއް އިއްވި ނަމަވެސް ފަހުން ހުކުމް ތަންފީޒު ކުރެއްވީ ގޭގައި ހުންނަވައިގެންނެވެ. އެ ޙުކުމަށް ދިން ލުޔާއެކު އޭނާ ވަނީ މިނިވަންވެފައެވެ. މިނިވަންވުމާއެކު އަދީބު ވަނީ ރާއްޖެއިން ފުރާވަޑައިގެންފައެވެ. މި މައްސަލާގައި ރައީސް ޔާމީން ވެސް ހުންނެވީ 11 އަހަރުގެ ޖަލު ހުކުމެއްގައެވެ.
އެއްވެސް ނަފްސަކަށް އެނަފްސެއް މަރުވާނީ ކޮންބިމެއްގައިކަމެއް ނޭނގޭނެ. ރަސޫލުންނަށްވެސް އެނގިވަޑައިނުގަންނަވާނެ.އެއީ ޣައިބުގެޢިލްމެއް..ވިސްނާ ފިކުރު ކުރަށްވާ!
އިންޝާ ﷲ ބުނެފަ އެބައޮތް
ފުރަތަމަ ރަނގަޅަށް ކިޔާ! އެއަށްފަހު ކޮމެންޓް ކުރާނީ.
މަރުވާނެ ވަގުތެއްވެސް ބުނެލީމާތާާ ދިރިބީންނަށް އެނގޭނީ…