Saturday, 14 November 2026
Advertisement
HDC — Share-Below (leaderboard)
ސަރުކާރު

ކޮޕީރައިޓް ހައްޤުތަކުގެ ޤާނޫނު އިސްލާހު ކުރުމަށް ޚިޔާލު ހުށަހެޅުމުގެ ފުރުސަތު ހުޅުވާލައިފި

ކޮޕީރައިޓް ހައްޤުތަކުގެ ޤާނޫނު އިސްލާހު ކުރުމަށް ޚިޔާލު ހުށަހެޅުމުގެ ފުރުސަތު ހުޅުވާލައިފި

ކޮޕީރައިޓާއި އެއާ ގުޅޭ އެހެނިހެން ހައްޤުތަކުގެ ޤާނޫނު އިސްލާހު ކުރުމަށް އެ ޤާނޫނަށް ޚިޔާލު ހުށަހެޅުމުގެ ފުރުސަތު ހުޅުވާލައިފިއެވެ.

އިކޮނޮމިކް ޑެވެލޮޕްމެންޓް އެންޑް ޓްރޭޑް މިނިސްޓްރީން އިއްޔެ، ނެރުނު ބަޔާނެއްގައި ވިދާޅުވީ ދިވެހި ފަންނުވެރިންނާއި އުފެއްދުންތެރިންގެ އުފެއްދުންތަށް ހިމާޔަތްކޮށްދިނުމާއި، ކޮޕީރައިޓް ފަދަ ހައްޤަކަށް އުނިކަމެއް ލިބިއްޖެނަމަ އެޅޭނެ ފިޔަވަޅުތަކާއި އަދަބުތައް ކަނޑައެޅުމަށް އުފައްދާފައިވާ ޤާނޫނަށް އިސްލާހު ގެނައުމަކީ ރައީސް ޑރ. މުހައްމަދު މުޢިއްޒުގެ ފުރަތަމަ 14 ހަފުތާގެ ތެރޭގައި ނިންމަންޖެހޭ ކަންތައްތަކުގެ ތެރޭގައި ހިމެނޭ ކަމެއް ކަމަށެވެ.

އެހެންކަމުން ފަންނުވެރިންނާއި އުފެއްދުންތެރިންގެ އުފެއްދުންތައް ހިމާޔަތްކޮށް، އިހުނަށްވުރެ ފަހި މާހައުލެއް ކަށަވަރު ކުރުމަށްޓަކައި މިހާރު އަމަލުކުރަމުންދާ ޤާނޫނަށް އިސްލާހު ގެނައުމުގެ ބިލެއް އެކުލަވާލުމުގެ މަސައްކަތް ކުރަމުންދާ ކަމަށް އިކޮނޮމިކް މިނިސްޓްރީން ނެރުނު ބަޔާނުގައި ވެއެވެ.

Advertisement
Allied Insurance — Square (box)

ހަމަ އެހެންމެ އެ ޤާނޫނަށް ގެނައުމަށް ބޭނުންފުޅުވާ އެއްވެސް އިސްލާހެއް ނުވަތަ ޤާނޫނާ ގުޅޭ ގޮތުން ޚިޔާލެއްވާނަމަ އެ މިނިސްޓްރީއަށް ހުށަހެޅުއްވުމަށް އާންމުކޮށް ފުރުސަތު ހުޅުވާލެވިފައިވާ ކަމަށް އެ ބަޔާނުގައި ބުނެފައި ވެއެވެ.

މިގޮތުން އެ ފުރުސަތު ހުޅުވާލާފައި ވަނީ އަންނަ މަހުގެ 10 ވަނަ ދަވަހުގެ 14:00ގެ ނިޔަލަށް ކަމަށާއި ޚިޔާލު ހުށަހަޅާނީ މިނިސްޓްރީގެ މެއިލްއަށް ނުވަތަ ލިޔުމުން ފޮނުވައިގެން ކަމަށް އިކޮނޮމިކް  މިނިސްޓްރީން ނެރުނު ބަޔާނުގައި ވިދާޅުވެފައި ވެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.