އައްޑުއަށް ފެން ލިބުން ލަސްވާތީ، ރޮޒައިނާގެ ނުރުހުން

އައްޑޫ ސިޓީގެ ގުޅިފައިވާ ރަށްތަކަށް ދިމާވެފައިވާ ފެނުގެ މައްސަލަ ޙައްލު ނުވާތީ، އައްޑޫ މީދޫ ދާއިރާގެ މެމްބަރު ރޮޒައިނާ އާދަމް ފާޑުވިދާޅުވެއްޖެއެވެ.
ރޮޒައިނާ އެކްސްގައި ކުރެއްވި ޕޯސްޓެއްގައި، ރައީސް ޑރ.މުޙައްމަދު މުޢިއްޒު ޓެގް ކުރައްވައި ވިދާޅުވީ، އައްޑުއަށް ފެން ނުލިބުމަކީ ދެރަ ކަމެއް ކަމަށް ވިދާޅުވެ، އެ ސިޓީގެ ރައްޔިތުން އުޅޭނެ ޙާލު އިޙުސާސް ކުރެވޭތޯ ސުވާލު ކުރައްވައިފައެވެ."ސަރުކާރަށް މިކަން ނުވޭ ދެއްތޯ ކަމަކަށް. އައްޑުއަށް އިހުމާލުވުމަކީ ތިބޭފުޅުންނަށް އާދައިގެ ކަމެއް."އޭނާގެ ޕޯސްޓުގައިވެއެވެ.https://twitter.com/Roxeyna/status/1733374088666816908?t=8NfhRBXpJDcxkWW4wft0qQ&s=19
އައްޑޫގެ ގުޅިފައިވާ ރަށްތަކަށް ސްޕްލައި ފެނުގެ ހިދުމަތް ދޭ ފެނަކަ ކޯޕަރޭޝަންގެ މެނޭޖިން ޑިރެކްޓަރު މުއާޒް މުހައްމަދު ރަޝީދު ވިދާޅުވީ މި މައްސަލަ ހައްލުކުރުމަށް އިއްޔެ އައްޑު އަށް ގެންދިޔަ ސްޕެއާ ޕާޓް ނުވަތަ ވީއެފްޑީ ޑްރައިވް އިންސްޓޯލް ކުރި ނަމަވެސް، އެއަށް މައްސަލަތަކެއް ދިމާވެފައިވާ ކަމަށެވެ.
އެމްޑަބްލިއުއެސްސީއާ ވާހަކަދައްކައިގެން އިތުރު ވީއެފްޑީ ޑްރައިވެއް އައްޑު އަށް ފޮނުވުމުގެ މަސައްކަތް މިހާރު ކުރަމުން އަންނަ ކަމަށް ފެނަކައިން ބުނެއެވެ.






ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.