އެމްޑީޕީ މެންބަރުން އިތުބާރު ކުރާ ބޭފުޅަކަށް ވޯޓް ދޭނަމަ ސައިފަށް ވޯޓް ދެއްވާ: ޝިފާޒް
އެމްޑީޕީގެ ޓިކެޓްގައި މާލޭގެ މޭޔަރު ކަމަށް ވާދަ ކުރައްވާ އާދަމް އާޒިމަކީ އެ ޕާޓީއަށް ދިމާވި އެންމެ މުހިންމު ވަގުތުގައި ވެސް ޕާޓީއާ ގުޅިވަޑައިގަންނަވަން ކެރިވަޑައިނުުގެންވި ބޭފުޅެއް ކަމަށާއި, އެމްޑީޕީ މެންބަރުންނަށް އިތުބާރު ކުރެވޭ ބޭފުޅަކަށް ވޯޓް ދެއްވާނަމަ, ޑިމޮކްރެޓްސް އިން އެ މަޤާމަށް ވާދަ ކުރައްވާ މުޙައްމަދު ސައިފް ފާތިހަށް ވޯޓް ދެއްވުމަށް ޑިމޮކްރެޓްސްގެ ނައިބު ރައީސް އަލީ ޝިފާޒް ވިދާޅުވެއްޖެއެވެ.
މާލޭ ސިޓީ ކައުންސިލަށް ޑިމޮކްރެޓްސްއިން ނެރޭ ކެނޑިޑޭޓުންގެ ކެނޑިޑޭޓުންގެ ކެންޕެއިން ލޯންޗް ކުރަން ބޭއްވި ޖަލްސާގައި ޝިފާޒް ވަނީ އާޒިމަށް ވަރަށް ބޮޑަށް ފާޑު ވިދާޅުވެފައެވެ.
އެގޮތުން ވިދާޅުވީ, ރިޔާސީ އިންތިޚާބުގެ ދެވަނަ ބުރަށް އެމްޑީޕީން ކުރިމަތިލި އިރުވެސް ސަރުކާރުގެ ކުންފުންޏެއްގެ ވެރިޔަކަށް ހުންނެވި އާޒިމް ތަމްސީލް ކުރެއްވީ އެހެން ޕާޓީއެއް ކަމަށެވެ.
އެމްޓީސީސީގެ ސީއީއޯ ކަމަށް ކުރީ ސަރުކާރުން އާޒިމް އައްޔަން ކުރެއްވީ ޖުމްހޫރީ ޕާޓީގެ ޓިކެޓްގައެވެ. އާޒިމް ވަނީ ރިޔާސީ އިންތިޚާބުގައި ޖޭޕީން އެމްޑީޕީއަށް ތާއީދު ނުކުރުމުން ޕާޓީން ވަކިވެ ވަޑައިގެން އެމްޑީޕީއާ ގުޅިވަޑައިގެންފައެވެ.
"އޭރު އެމްޑީޕީއާ ގުޅެން ނުކުރެނު ބޭފުޅަކަށް އާދަމް އާޒިމަށް ވޯޓް ދޭން ޖެހުނީމަ އެމްޑީޕީ މެންބަރުން ވިސްނަވާނެ" ޝިފާޒް ވިދާޅުވިއެވެ.
ޝިފާޒް ވިދާޅުވީ ސައިފަކީ އެމްޑީޕީގައި ވެސް ގިނަ މަސައްކަތްތަކެއް ކޮށްދެއްވި ބޭފުޅެއް ކަމަށާއި, އެ ބޭފުޅުންގެ އިތުބާރު ވެސް ސައިފަށް އޮންނާނެ ކަމަށެވެ. އަދި އެމްޑީޕީ މެންބަރުން އިތުބާރު ކުރާ ފަރާތަކަށް ވޯޓް ދޭން ބޭނުންވާނަމަ ޗޮއިސް އަކީ ސައިފް ކަމަށް ވިދާޅުވިއެވެ.
މާލޭ ސިޓީ ކައުންސިލްގެ ބައި އިލެކްޝަންގައި, ޑިމޮކްރެޓްސް އަދި އެމްޑީޕީގެ އިތުރުން ޕީއެންސީ އަދި އަމިއްލަ ފަރާތަކުން ވަނީ ކުރިމަތިލާފައެވެ.
ޝިފާޒަށްމިހާރުއެމްޑީޕީމީހުންވޯޓުދޭނޭމީހަކުނޭންގޭނެއެވެޝިފާޒުމޮހާރުތިޔައުޅޭގޮތުންހަޔާތެއްގޮވުނަސްނޜންގޭނެއެވެ
އެއްގޮތަކަށްވެސް ދަނޑިމޯ ސޮރަށް އެމްޑީޕީގެ އެއްވެސް މީހަކު ވޯޓުނުދޭތި
އެމްޑީޕީން އިތުބާރު ކުރާ މީހުން ވާދަކިރާނީ އެމްޑީޕީ ޓިކެޓުގަ
އެމްޑީޕީމީހުންވޯޓްދޭނެމީހެއްޝިފާޒަކަށްމިހާރުނޭންގޭނެ