Monday, 16 November 2026
Advertisement
Allied Insurance (leaderboard)
ސަރުކާރު

ސަރުކާރުގެ ރޭވުމަކީ ދައުލަތުގެ މާލީ ހާލަތު ރަނގަޅުކޮށް، ދެމެހެއްޓިނިވި މިންގަނޑަކަށް ދަރަނީގެ ހާލަތު ގެނައުން: ރައީސް

ސަރުކާރުގެ ރޭވުމަކީ ދައުލަތުގެ މާލީ ހާލަތު ރަނގަޅުކޮށް، ދެމެހެއްޓިނިވި މިންގަނޑަކަށް ދަރަނީގެ ހާލަތު ގެނައުން: ރައީސް
ސަރުކާރުގެ ރޭވުމަކީ ދައުލަތުގެ މާލީ ހާލަތު ރަނގަޅުކޮށް، ދެމެހެއްޓިނިވި މިންގަނޑަކަށް ދަރަނީގެ ހާލަތު ގެނައުންކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. 2024 ވަނަ އަހަރުގެ ރިޔާސީ ބަޔާން އިއްވަމުން ރައީސް ޑރ. މުހައްމަދު މުއިއްޒު ވަނީ ދައުލަތުގެ ދަރަނީގެ ހާލަތާއި މެދު ގިނަ ކަންބޮޑުވުންތަކެއް ފާޅުކުރައްވާ، ދައުލަތުގެ ދަރަނި ކުޑަ ކުރުމަށް އަޅަން ޖެހޭ ފިޔަވަޅުތަކާއި މެދު ވާހަކަފުޅު ދައްކަވާފައިއެވެ. ރައީސް ވިދާޅުވީ، ދައުލަތުގެ ދަރަނި އިތުރުވާން ދިމާވެފައިވާ މައިގަނޑު ސަބަބަކީ އާމްދަނީއާ އަޅާބަލާއިރު ސަރުކާރުގެ ޚަރަދުތައް އިތުރުވުން ކަމަށެވެ، އެހެންކަމުން ސަރުކާރުގެ ޚަރަދު ކުޑަކުރަން ފިޔަވަޅުތަކެއް އަޅަން މަޖުބޫރުވެފައިކަމަށެވެ. އެގޮތުން ޒަމާނުއްސުރެ ރާއްޖޭގައި ބޭނުން ކުރެވެމުން އަންނަ ސަބްސިޑީގެ ނިޒާމު ބައްޓަންކުރެވިފައިވާ ގޮތް ބަދަލުކޮށް، ސަބްސިޑީއަކީ ދައުލަތުގެ އެހީތެރިކަމަށް އެންމެ ބޭނުންޖެހިފައިވާ ފަރާތްތަކަށް ޚާއްޞަކުރެވިގެން ދެވޭ އެއްޗަކަށް ބަދަލުކުރައްވާނެ ކަމަށްވެސް ރައީސް ވިދާޅުވިއެވެ.
ދިވެހި ޤައުމުގެ ތަރައްޤީއާ ކުރިމަގަށް ސަރުކާރުން ކުރާ ތަޞައްވުރާ އުންމީދު ޙަޤީޤަތަކަށް ހެދޭނީ މާލީގޮތުން ޤައުމު ވެއްޓިފައި އޮތް އަޑިގަނޑުން ސަލާމަތްވެ، ހިންދެމިލައިގެން.
ރައީސް އިތުރަށް ވިދާޅުވީ، ފާއިތުވި އަހަރުތަކުގައި ޑެފިސިޓް ފައިނޭންސްކުރަން ނަގާފައިވާ ދަރަނީގެ ސަބަބުން، 2023 ވަނަ އަހަރު ނިމުނުއިރު ޖީޑީޕީގެ ނިސްބަތުން ދައުލަތުގެ ދަރަނި ހުރީ 115.9 އިންސައްތައަށް އުފުލިފައި ކަމަށެވެ. އަދި ވޭތުވެދިޔަ 5 އަހަރު 8 ދައުލަތުގެ ޚަރަދުތައް ހަމަޖެއްސުމަށްޓަކައި ވަނީ ބިލިއަނެއްހައި ރުފިޔާ ޗާޕްކޮށްގެން ނެރެފައިކަމަށެވެ. މިއީ އޭގެ ކުރީގެ 40 އަހަރު ފައިސާ ޗާޕްކުރި ޖުމްލަ މިންވަރާ ނުބައްދަލު ބޮޑު އަދަދެއްކަމަށް ރައީސް ޑރ. މުއިއްޒު ފާހަގަ ކުރެއްވިއެވެ. އަދި އޭގެ ނަތީޖާއެއްގެ ގޮތުން ދިވެހި ރުފިޔާގެ ހަމައަގު ހިފެހެއްޓުމުގައި ބޮޑެތި ދަތިތަކަކާ ކުރިމަތިވެފައިކަމަށާއި ތަކެތީގެ އަގު އުފުލި، ލާދަ ވަނީ ވަރަށް ބޮޑުތަނުން މަތިވެފައިކަމަށް ރައީސް ވިދާޅުވިއެވެ. މި ސަރުކާރުން ވެރިކަމާއި ހަވާލުވެވަޑައިގަތުމަށް ފަހުގައި ވާނީ ފައިސާ ޗާޕުކުރުން ހުއްޓާލާ، ދައުލަތުގެ ޚަރަދަށް ޒިންމާވުމުގެ ޤާނޫނުގައި ސަސްޕެންޑް ކުރެވުނު މާއްދާތައް އިއާދަކޮށްފައިއެވެ. އަދި އިޤުތިޞާދު ހަމަމަގަށް އެޅުވުމަށް މަސައްކަތް ވަނީ ފަށާފައިކަން ފާހަގަކޮށްލެވެއެވެ،

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.