ވޯޓުލާ ދުވަސް، ސަރުކާރު ބަންދު ދުވަހަކަށް ހަދަން ގޮވާލައިފި
ރައްޔިތުންގެ މަޖިލީހުގެ އިންތިހާބު ސަރުކާރު ބަންދު ދުވަހެއްގައި ބާއްވާ ދިނުމަށް ކުރީގެ ރައީސް އިބްރާހިމް މުހައްމަދު ސޯލިހު އިލެކްޝަން ކޮމިޝަން (އީސީ) އަށް ގޮވާލައްވައިފިއެވެ.
އިންތިހާބުތައް ރޯދަ މަހު ނުބޭއްވޭ ގޮތަށް މަޖިލީހުން ފާސްކުރުމާ އެކު އަލަށް އިންތިހާބު ބާއްވާ ތާރީހަކީ އޭޕްރިލް މަހުގެ 21 ވާ އާދިއްތަ ދުވަހު ކަމަށް އީސީން ވަނީ ރޭ ނިންމާފައެވެ.
އެެމްޑީޕީ ކުރިއަށް ގެންދާ ކެމްޕޭނު ބައްދަލުވުމުގެ ތެރެއިން މިރޭ ބޭއްވި ބައްދަލުވުމުގައި މި ސަރުކާރުން ނުފޫޒޯ ފޯރުވަމުންދާ ކަންތައްތައް ލިސްޓު ކުރައްވަމުން، ތިން ވަނަ ކަމެއްގެ ގޮތުގައި ސޯލިހު ވިދާޅުވީ އިންތިހާބަށް ނުފޫޒު ފޯރުވަން ރޯދަ މަހު އިންތިހާބު ބާއްވާން މަސައްކަތްކޮށް ސަރުކާރަށް އެކަން ކާމިޔާބު ނުވި ކަމަށެވެ.
'ކޮންމެސް ގޮތަކުން މިހާރުގެ އޭޖީ އަށް ރަނގަޅު ވިސްނުމެއް އައިސްގެން ރައީސް މުއިއްޒު ލައްވައި އެކަން ކުރުވައިފި'' އޭޖީގެ ލަފާގެ މަތިން އިންތިހާބާ ބެހޭ ބިލު ރައީސް ތަސްދީގު ކުރެއްވުމަށް އިޝާރާތް ކުރައްވާ ވިދާޅުވިއެވެ. ނަމަވެސް އީސީގެ މައްޗަށް ރައީސް ބާރު ފޯރުވަމުންދާ ކަމަށް ''ދޮގު ދޮލަނގު'' ގެ ނަމުގައި ބޭއްވި ޖަލްސާގައި ތުހުމަތު ކުރައްވަމުން ވިދާޅުވީ ވޯޓުލާ ދުވަހަކީ ސަރުކާރުގެ މަސައްކަތްކުރާ ދުވަހެއްގެ ގޮތުގައި ހެދުމަށް މަސައްކަތް ކުރައްވަމުންދާ ކަމަށެވެ. ސޯލިހު ތުހުމަތު ކުރެއްވި ގޮތުގައި އާދިއްތަ ދުވަހު އިންތިހާބު ބާއްވަނީ ރައީސް ނުފޫޒު ފޯރުވައިގެންނެވެ.
''ރައްޔިތުންނަށް ފަސޭހައިން ވޯޓު ލެވޭ ދުވަހަކު އެކަން ކުރައްވާށޭ. އަޅުގަނޑަށް ހަމަ ޔަގީން އެއީ ރައީސް މުއިއްޒުގެ ނުފޫޒުން ކުރާކަމޭ. ސްކޫލު ހުޅުވިފައި އޮންނަ ދުވަހު ކުދިންވެސް ގެންނަން ޖެހޭ، ކްލާސް ރޫމްތައްވެސް ބޭނުންވާނެ. ކިހިނެއް މިކަން ކުރާނީ، ރައީސް މުއިއްޒުގެ ބާރާ ނުފޫޒުން ކުރާ ކަމެއް'' ސޯލިހު ތަކުރާރު ކުރެއްވިއެވެ.
މިދިޔަ ފަސް އަހަރު ވެރިކަން ކުރެއްވި ސޯލިހު ވިދާޅުވީ މި ސަރުކާރުން މިހާތަނަށް ކަންކަން ކުރަމުން އަންނަ ގޮތަށް އިހުނަށްވުރެ ބޮޑަށް މަޖިލީހުގެ މެޖޯރިޓީ އެމްޑީޕީއަށް މުހިއްމު ވެފަައިވާ ކަމަށެވެ.
''ރައްޔިތުންގެ މަޖިލީހުގެ މެޖޯރިޓީ މިސަރުކާރަށް ލިބިއްޖެނަމަ ކުޑަކުޑަ ތަސައްވަރެއް މި ފެންނެނީ. ކާމިޔާބުކުރަން ކޮންމެހެން ކުރަން ޖެހިފައިވާ މަސައްކަތެއް'' ސޯލިހު ވިދާޅުވީ މި ސަރުކާރުން ވެރިކަމާއި ހަވާލުވުމަށް ފަހު ޑިމޮކްރެޓިކް ނިޒާމު ހަލާލުކޮށްލައިފި ކަމަށެވެ. ވިދާޅުވީ ހުދުމުހުތާރު ވެރިކަމަކަށް ބަދަލުކުރުމުގެ މަސައްކަތް ފަށާފައިވާ ކަމަށެވެ.
އެމަނިކުފާނު ވިދާޅުވީ ސަރުކާރުން ދޮގުތައް ހަދައި އޮޅުވާލުމުގެ އިތުރަށް ގާނޫނޫ އަސާސީން ލިބިދޭ ހައްގުތައް ހިފެހެއްޓުމެގެ މަސައްކަތް ފަށާފައިވާ ކަމަށެވެ.
''އެންމެ ފުރަތަމަ ކުރި ކަމަކީ ނޫސްވެރިންގެ މިނިވަން ހުއްޓުމަށްޓަކައި މަސައްކަތްތަތަކެއް ކުރީ، އެތައް ސައިޓުތަކެއް ބްލޮކްކުރީ، އެހެން ނަމަވެސް އެތައް ޕްރެޝަރާ އެކު ޖެހުނީ ދޫކޮށްލަން'' ދިޔަވަރު.ކޮމް އާ ކުރުސީ.ކޮމް ނަމަކަށް ކިޔާ ވެބްސައިޓްތަކެއް ބްލޮކްކުރި ކުރުމަށް އިޝާރާތް ކުރައްވާ ސޯލިހު ވިދާޅުވިއެވެ. ފަހުން އެ ސައިޓްތަކަށް ވަނދޭވޭ ގޮތް ވަނީ ހަދާފައެވެ.
''އަޅުގަނޑުމެންނަށް ރައްޔިތުންގެ މަޖިލީހުގެ މެޖޯރިޓީ ނުލިބިއްޖެނަމަ ހުރިހާ މީޑިއާ އެއް، ވެބްސައިޓެއް ބަންދުކުރާނެ'' ސޯލިހު ވިދާޅުވިއެވެ.
މަޖިލީހުގެ އެމްޑީޕީގައި ހިމެެނޭ 12 މެމްބަރުން ސަރުކާރާ ގުޅުނު ގުޅުމަށް އިޝާރާތް ކުރައްވާ ސޯލިހު ވިދާޅުވީ އެ ޕާޓީން ބުރަ މަސައްކަތުން ހޮވި މެމްބަރުން 'ކުރި ކަމެއް ކޮށްގެން' ގެންދިޔައީ ކަމަށެވެ.
''ބާރާ މަޖިލީހުގެ މެމްބަރުން ގެންގޮސްފި، ފެންފޮދެއް ބޯލާހެން އެކަން ކޮށްލީ'' ސަރުކާރަށާއި ރައީސް ޑރ މުހައްމަދު މުއިއްޒަށް ބަހުގެ ހަމަލާތައް ފޮނުއްވަމުން ވިދާޅުވިއެވެ.
ކަލޭމެން ބުނާހާ ގޮތެއް ހަދައިގެން ވެރިކަން ކުރާނީ ކަލޭމެްގެ ޖަންގަލި ޕާޓީ ލާދީނީންތައް މިތެޅެނީ ހާދަ އެއްޗެއް ނުލިބިގެންނޭ ދޯ މިގައުމަށް ޖެހިފަ އޮތް ވަބާއަކަށް މިއެމްޑީޕީ ވެއްޖެ ވެރިކަމުގަ އޮތަސް ގަޑުބަޑު ނެތަސް ގަޑުބަޑު ކޮބާ އިދިކޮޅުޕާޓީއެއްގެ ޒިންމާއާއި މަސްއޫލިއްޔަތު ރައްޔިތުންނަށް ކިޔައިދީބަލަ
ހިންނަވަރު އިބުރާހިމް މީ އަޅެ މޮޔަވެފަހުރި ބުރާންޗެއްތަ ސަރުކާރަށް ކަންކަމަށް މަޖުބޫރު ކުރާއިރު މިބުރާނތީގެ ވެރިކަމުގަ މީނަކުރާކަމެށް ހުއްޓުވަން ބަޔަކުނޫޅޭ ދެން ކޮންފަދަ ބަލާވެރިކަމެއްތަ މިއޮތީ ޖެހިފަ