Tuesday, 17 November 2026
Advertisement
STO — McCoy (leaderboard)
އިޖުތިމާޢީ

އެއާ އެމްބިއުލާންސްގައި ފުރަތަމަ ބަލިމީހާ ކުޅުދުއްފުށިން މާލެ ގެނެސްފި

އެއާ އެމްބިއުލާންސްގައި ފުރަތަމަ ބަލިމީހާ ކުޅުދުއްފުށިން މާލެ ގެނެސްފި

އަވަސް ގޮތުގައި ސިއްހީ ފަރުވާ ފޯރުކޮށްދިނުމަށް ވައިގެ މަގުން ބަލިމީހުން އުފުލުމަށް ރާއްޖޭގައި ފެށި އެއާ އެމްބިއުލާންސްގެ ހިދުމަތުގެ ދަށުން ފުރަތަމަ ބަލި މީހާ ހދ. ކުޅުދުއްފުށިން މާލެ އުފުލައިފިއެވެ.

ފުރަތަމަ ބަލި މީހާ ސީދާ ކުޅުދުއްފުށިން މާލެއަށް ގެނެސްފައިވާއިރު އެއާ އެމްބިއުލާންސް މާލެގައި ޖައްސާފައިވަނީ ރޭގެ މެންދަމު 03:35 ހާއިރުއެވެ. ގެނައީ 26 އަހަރު މީހެކެވެ.

ރޭގައި މާލެ ގެނެވުނު ބަލި މީހާ މާލެ ގެނައުމުގެ ކުރިން ފުވަމުލަކަށް ގެންދިޔުމަށް ހަމަޖެހިފައިވާ ކަމަށް ބުނެ ހަބަރުތަކެއް ފެތުރުނެވެ. ނަމަވެސް އެ ވާހަކަތައް ތަފްސީލު ހިއްސާކުރަމުން ހެލްތު މިނިސްޓްރީން ބުނީ ފުވައްމުލަކަށް ދިޔައީ އެއާ އެމްބިއުލާންސުގެ ފްލައިޓު ނޫން ކަމަށެވެ.

Advertisement
Ooredoo — Square (box)

އިއްޔެ އެއާ އެމްބިއުލާންސް ހިދުމަތް ދޭން ފެށި ޑޭޝް-8 މަރުކާގެ މަތިންދާބޯޓެއް ބޭނުންކޮށްގެނެނެވެ.

https://twitter.com/MaldivianAero/status/1763683686946676760

ރާއްޖޭގައި އެއާ އެމްބިއުލާންސުގެ ހިދުމަތް ދޭން ފަށާފައިވަނީ އެންސްޕާއާއި، އައިލޭންޑު އޭވިއޭޝަން އަދި މިނިސްޓްރީ އޮފް ހެލްތުއާއި ގުޅިގެންނެވެ. އެ ބޯޓުތަކުގައި ބަލި މީހާ އުފުލަން ހަމަޖެހިފައިވަނީ އެންމެ ކައިރީގައި ހުންނަ ފުރިހަމަ ސިއްހީ ފަރުވާ ލިބޭ ހޮސްޕިޓަލަކަށެވެ.

އެއާ އެމްބިއުލާންސްގެ ގޮތުގައި ބޯޓު ތައްޔާރުކޮށްފައި ވަނީ އެމަޖެންސީ ފަރުވާ އޭގައި ދެވޭގޮތަށް، މެޑިކަލް އިކުއިޕްމަންޓްތައް ހަރުކޮށްގެންނެވެ. އަދި މި ބޯޓުތަކުގައި ތަމްރީނުކުރެވިފައިވާ، ފުރިހަމަ ސިއްހީ ފަރުވާ ދެވޭ ގާބިލިއްޔަތުކަން ހުރި ހިދުމަތްތެރިން ހަރަކާތްތެރިވަމުން އަންނާނެއެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.