ބިން ހިއްކުމުގެ ޕްލޭންތަކާއި މެދު އަލުން ވިސްނަންޖެހޭ: ނަޝީދު

ސަރުކާރުން ރާވާފައިވާ ބިންހިއްކުމުގެ ޕްލޭންތަކާއި މެދު އަލުން ވިސްނަން ޖެހޭ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

Ads by Hajj Corporation

ނަޝީދު މިރޭ "އެކްސް" ގައި ކުރެއްވި ޕޯސްޓެއްގައި ވިދާޅުވީ، ބިންހިއްކުމަށް ސަރުކާރުން ރާވާފައިވާ ޕްލޭންތަކުގެ ތެރެއިން ހާއްސަކޮށް، ހިއްކާފައިވާ މުރަކަ ފަރުތަކާއި ފަޅުތަކުގައި އެޅުމަށް ހަމަޖެހިފައިވާ ރިސޯޓުތަކުގެ ޕައިޕްލައިންގެ މަސައްކަތާއިމެދު އަލުން ވިސްނަން ޖެހޭ ކަމަށެވެ.

އެ މަސައްކަތަށް ބޭނުންކުރެވިދާނެ ފަޅުރަށްތައް އެބަހުރި ކަމަށާއި، އެ މަސައްކަތަށް ފަޅުރަށްތައް ބޭނުންކުރަން ޖެހޭ ކަމަށް ވެސް ވިދާޅުވިއެވެ.

The Govt should rethink its plans for reclamation, especially the pipeline of resorts to be built on reclaimed coral reefs and lagoons. We have enough empty islands & should use those instead. We must protect nature & our coral reefs, not destroy them for tourism. @visitmaldives

— Mohamed Nasheed (@MohamedNasheed) March 20, 2024

އިތުރަށް ނަޝީދު ވަނީ ރާއްޖޭގެ ފަތުރުވެރިކަން ތަރައްގީކުރުމަށް ފަޅުތަކާއި، ފަރުތައް ހަލާކުނުކޮށް، އެ ތަންތަން ރައްކާތެރިކުރުމަށް ގޮވާލައްވާފައެވެ.

ނަޝީދު މިފަދައިން ވިދާޅުވެފައިވަނީ، ސަރުކާރުން ރައީސް ފުށިދިއްގަރު ފަޅުގައި ގޯއްޗާއި ފްލެޓު ހިމެނޭ ގޮތަށް 65،000 ހައުސިން ޔުނިޓު ޤާއިމުކުރުމުގެ މަޝްރޫއު ކުރިއަށް ދަނިކޮށެވެ. މިއީ، ރާއްޖޭގެ ތާރިހުގައި ހިންގޭ ބިން ހިއްކުމުގެ އެންމެ ބިޔަ މަޝްރޫޢުއެވެ.