ބޯހަރުކަން ދޫކޮށްލަން ވެއްޖެކަން ރައީސަށް ވިސްނިއްޖެ: ސޯލިހު

ބޯހަރުކަން ދޫކޮލަން ވެެއްޖެކަން ސަރުކާރަށް ވިސްނެން ފަށައިފި ކަމަށް ބުނެ ކުރީގެ ރައީސް އިބްރާހިމް މުހައްމަދު ސާލިހު މިރޭ ސަރުކާރަށް ފާޑު ވިދާޅުވެއްޖެއެވެ.

Ads by MWSC

ސޯލިހް މިފަދައިން ވިދާޅުވީ، ކުރިއަށް އޮތް ރައްޔިތުންގެ މަޖިލީހުގެ އިންތިހާބުގައި އެމްޑީޕީގެ ޓިކެޓުގައި މާފަންނު ދާއިރާއަށް ވާދަކުރައްވާ ކެންޑިޑޭޓުންނަށް ހާއްސަ ތަރާވީހަށް ފަހު ސަޕޯޓަރުންނާއި ވާހަކަފުޅު ދައްކަވަމުންނެވެ.

ގޮތް ދޫކުރަން ނޫޅުއްވާ، އަދި ކިރިޔާ ވިސްނޭހެން އަޅުގަނޑަށް ހީވަނީ ބޯހަރުކަން ދޫކޮށްލަންވެއްޖެކަން

ސޯލިހު ވަނީ ސަރުކާރު ވެރިކަމަށް އައުމަށްޓަކައި ރައްޔިތުންގެ ކުރިމަތީގައި ހުށަހެޅި ހުށަހެޅުންތަކާއިމެދު މިއަދު އަމަލުކުރަމުންދާގޮތް ހާސްބައި ތަފާތު ކަމަށް ބުނެ ފާޑު ވިދާޅުވެފައެވެ.

"ދެއްކެވި އެއްވެސް ވާހަކައެއް، ކުރަން ވިދާޅުވި އެއްވެސް ކަމެއް މި ހަަތަރު މަސް ދުވަހުގެ ތެރޭގައި އަދި ނެތް ފަށާފައެއް. އަދި ފެށުމުގެ ވިސްނުމެއް އޮތްކަމެއްވެސް އަޅުގަނޑުމެންނަކަށް ނޭންގެ،" ސޯލިހް ވިދާޅުވިއެވެ.

ރައްޔިތުން ބޭނުންވެފައި ހުރި ކަންތައްތައް ފުއްދައިދިނުމަށް، މިއަދު ކުރެވޭނެ ކަމަކީ ރައްޔިތުންގެ މަޖިލިސް ބޭނުންކޮށްގެން ސަރުކާރު ޒިންމާދާރުކުރުމެވެ. މިކަން ފާހަގަކުރައްވާ ސޯލިހް ވިދާޅުވީ އެކަން ކުރެވޭނީ މަޖިލީހުގެ މެޖޯރިޓީ އެމްޑީޕީއަށް ދީގެން ކަމަށެވެ.