އުމްރާއަށް ގޮސް އުޅުނު ދިވެއްސަކު ނިޔާވެއްޖެ

އުމްރާއަށް ގޮސް އުޅުނު ދިވެއްސަކު ނިޔާވެއްޖެއެވެ.

Ads by Sosun Fihaara

މައުލޫމާތު ލިބިފައިވާ ގޮތުގައި އުމްރާއަށް ގޮސް އުޅެނިކޮށް ނިޔާވީ ގދ. ނަޑެއްލާ، މޫނިމާގެ، އައިޝަތު އިބްރާހީމް (74އ) އެވެ.

އައިޝަތު ނިޔާވެފައިވަނީ މައްކާގެ ޖިއްދާ ހޮސްޕިޓަލުގައި ފަރުވާ ހޯދަމުން ދަނިކޮށެވެ.

އައިޝަތު ނިޔާވެފައިވާކަން ނަޑެއްލާ ކައުންސިލުގެ ރައީސް މުހައްމަދު އަންޝައު ވަނީ ''ދެން'' އަށް ޔަގީންކޮށްދީފައެވެ. އަންޝައު ވިދާޅުވީ އައިޝަތު ނިޔާވީ ރޭގެ ވަގުތެއްގައި ކަމަށެވެ.

ދާދި ފަހުން ވެސް، އުމްރާއަށް ގޮސް އުޅުނު ހއ. ދިއްދޫއަށް ނިސްބަތްވާ މީހެެއް ކަމަށްވާ އިބްރާހިމް ރަޝީދު, 58, ވެސް ވަނީ ނިޔާވެފައެވެ.

ހައްޖަށް އަދި އުމްރާއަށް ގޮސް އުޅުމުގެ ތެރޭގައި އުޅޭ ދިވެހިން ނިޔާވުމަކީ މަދުން ނަމަވެސް ދިމާވާ ކަމެކެވެ.