ޖާބިރުގެ ދެބަފައިންނަށް ނާކާމިޔާބީ

20 ވަނަ ރައްޔިތުންގެ މަޖިލިސް އިންތިހާބުގައި ވާދަކުރެއްވި ކާށިދޫ ދާއިރާގެ މެމްބަރު އަބްދުﷲ ޖާބިރު އާއި ދަރިފުޅު އަހްމަދު މުއާޒް އަބްދުﷲ ޖާބިރު އަށް ވެސް ނާކާމިޔާބީއާ ކުރިމަތިލާން ޖެހިވަޑައިގެންފިއެވެ.
ކާށިދޫ ދާއިރާގެ މިހާރުގެވެސް މެންބަރުކަން ކުރައްވާ ޖާބިރު މިފަހަރުވެސް ކާށިދޫ ދާއިރާއަށް ވާދަކުރެއްވިއިރު، މުއާޒު ވާދަކުރެއްވީ އދ. މަހިބަދޫ ދާއިރާއަށެވެ.
ޖާބިރު އާއި ވާދަކުރައްވާ، ކާށިދޫ ދާއިރާގެ ގޮނޑި ކާމިޔާބުކުރައްވާފައިވަނީ ކޮންގްރެސް ކޯލިޝަންގެ ކެނޑިޑޭޓް މުންތަޒިމް އިބްރާހިމްއެވެ. އަދި މުއާޒް އާއި ވާދަކުރައްވާ މަހިބަދޫ ދާއިރާގެ ގޮނޑިވެސް ކާމިޔާބު ކުރައްވާފައިވަނީ ކޮންގްރެސް ކޯލިޝަންއިން ވާދަކުރެއްވި ކެނޑިޑޭޓް އަހުމަދު ތޯރިގް އެވެ.
ޖާބިރު ވަނީ އެމްޑީޕީގެ ޕްރައިމަރީ އިންތިހާބު ކާމިޔާބުކޮށް، މަޖިލިސް ޓިކެޓު ކާމިޔާބުކުރައްވާފައެވެ. ނަމަވެސް، އަހުލާގީ މައްސަލަތަކެއްގައި އެ ޕާޓީން އޭނާ ވަކިކޮށް، އިންތިހާބުގެ ޓިކެޓު ވެސް ވަނީ އަތުލާފައެވެ. އެހެންވެ ޖާބިރު މަަޖިލީހަށް ވާދަކުރައްވާފައިވަނީ އަމިއްލަ ގޮތުންނެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.